”Хөвч” бүжгэн жүжгийг Бээжин хотноо тоглов

Наймдугаар сарын 10-ны өдөр Бээжингийн Тяньчяо урлагийн төвд “Хятадын олон улсын залуучуудын урлагийн долоо хоног” арга хэмжээний эхний хөтөлбөр болох “Хөвч” бүжгэн жүжгийг амжилттай тоглолоо.

"Хөвч" бүжгийн жүжгийг Өвөр Монголын Ордос хотын Хөвчийн элсэнд амьдардаг ардын дунд үе дамжин уламжлагдсан ардын аман үлгэрээс сэдэвлэсэн байна. Энэ жүжгийг ӨМӨЗО байгуулагдсаны 70 жилийн ойд зориулж бүтээсэн бөгөөд удалгүй болох гэж буй “НҮБ-ын цөлжилттэй тэмцэх конвенцын үүсгэн байгуулагч талуудын 13-р хурал”-ын үеэр гадаад дотоодын үзэгчдэд тоглож үзүүлэх юм.

Жүжигт, нутгийн иргэдийн эх байгалиа хайрлах сэтгэл, байгаль орчны асуудлыг зохицуулах үзэл бодол, хүчин чармайлтыг харуулсан байна. Мөн байгаль орчныг хамгаалахад илүү их хүчин зүтгэл гаргаж, ногоон, экологийн соёл иргэншил байгуулж, “Хятадын мөрөөдөл”-ийг биелүүлэхийг уриалсан юм.  

Үндэстний онцлогийг бүрэн харуулсан “Хөвч” бүжгэн жүжиг Хятадын үндэсний урлагийн сан, “Хятадын олон улсын залуучуудын урлагийн долоо хоног” арга хэмжээг зохион байгуулагчдын дэмжлэгээр олон улсад сурталчлан, монгол соёлыг дэлхийд таниулах үүдийг нээж өгсөн байна. Тус бүжгийн жүжгийн хөгжмийн зохиолч Цагаанаас авсан ярилцлагыг мэдээний эхэнд сонсоно уу. 

 

 

 

 

Зохиогч:Сандаг
Найруулагч:Б.АРИУХАН
Эх сурвалж:mongol.cri.cn
Мэдээ үзсэн:89
Зохиогчийн эрх хуулиар хамгаалагдсан. Мэдээлэл хуулбарлах хориотой