Эхний ээлжийн “Тэнгэрийн элчийн аян”

Эхний ээлжийн “Тэнгэрийн элчийн аян” - Төрөлхийн зүрхний эмгэгтэй хүүхдүүд Өвөр Монголд үнэ төлбөргүй эмчилгээнд орж байна.

Аравдугаар сарын 10-ны үдшийн 21:30 цагийн Улаанбаатар-Хөххот чиглэлийн галт тэргээр “Тэнгэрийн элчийн аян”, “Нэг бүс нэг зам”-аар хамтдаа аялъя хэмээх нэрийн дор болж буй хүмүүнлэгийн тусламжийн эхний ээлжид хамрагдсан хүүхдүүд Монгол Улсаас Хөххотноо ирлээ. Эдгээр хүүхдүүд нь төрөлхийн зүрхний гажигтай хүүхдүүд бөгөөд тэд тун удахгүй Өвөр Монголын Ардын Эмнэлэгт үнэ төлбөргүйгээр мэс засал хийлгэх юм.

Энэхүү хүмүүнлэгийн үйл ажиллагаа нь энэ оны 8 дугаар сард эхэлж, Бээжин хотын зүрхний мэргэжилтэн, Өвөр Монголын Ардын Эмнэлгийн зүрхний төвийн мэргэжлийн ажлын хэсэг Монгол Улсын Улаанбаатар хотноо 0-14 насны хүүхдүүдэд төрөлхийн зүрхний гажигийн оношлогоог хийсэн байна. Оношлогоогоор 127 өвчтөн илрүүлж, 55 өвчтөнд мэс засал хийх шаардлагатай гэдгийг тогтоожээ.  

Өчигдөр буюу 10 дугаар сарын 10-ны үдэш эхний ээлжид мэс засал хийлгэх 12 өвчтөн Хөххотноо ирсэн байна. 2-3 өдөр шинжилгээ хийсний дараа Бээжин хотын Хүүхдийн төрөлхийн чанартай зүрхний өвчний мэргэжилтний ажлын хэсэг хүүхдүүдэд мэс засал хийх юм.

Өвөр Монголын Улаан загалмайн нийгэмлэгийн албан ёсны хэвлэлийн төлөөлөгч илэрхийлэхдээ: “Тэнгэрийн элчийн аян” нь “Нэг бүс нэг зам” дагуух улс орны хүмүүнлэгийн шаардлагад нийцүүлэн, Хятад улсын анагаах ухааны давуу тал, хүмүүнлэгийн тусламжийн төслийн туршлагад түшиглэн, эмчилгээний тоног төхөөрөмжийг байгуулах, эмчилгээний мэргэжилтнүүдийг сургалтад хамруулах, хүнд өвчнийг эмчлэхээр гол зорилго болгосон цуврал тусламжийн төслийг хэрэгжүүлж, улмаар хүмүүнлэгийн шаардлагад нийцүүлж, олон улсын ард иргэдийн нөхөрлөлийг зузаатгахыг зорьж байна гэжээ.

Зохиогч:Бэлгэсэн: Т.Буянхишиг
Найруулагч:Т.БУЯНХИШИГ
Эх сурвалж:СОЛОНГО МЭДЭЭЛЛИЙН ТӨВ
Мэдээ үзсэн:201
Зохиогчийн эрх хуулиар хамгаалагдсан. Мэдээлэл хуулбарлах хориотой