Мэдэгдэл Мэдэгдэл---通知 “Хятад-Монголын хоёр дахь удаагийн ЭКСПО” нээлтээ хийлээ. Ли Жихэн, Бү Шяолинь УИХ-ын дэд сайд Я.Санжмятав нартай уулзалт хийв. Сайн дурынхны тангараг өргөх ёслол боллоо. “Хятад-Монголын экспо”-д Монгол Улсын 320 гаруй үндэсний үйлдвэрлэгчид оролцоно. НҮБ-ын цөлжилттэй тэмцэх конвенцийн XIII удаагийн хурал нээлтээ хийлээ. Хятад улс цөлжилтийн эсрэг тэмцэж, дэлхийн гайхамшгийг бүтээв. Монгол-Хятадын хоёр дахь удаагийн экспо зохион байгуулах ерөнхий төлөвлөгөө Монгол-Хятадын хоёр дахь удаагийн экспо арга хэмжээний хэвлэлийн бага хурал Бээжин хотод зохион байгуулагдав. ӨМӨЗО байгуулагдсаны 70 жилийн ойн баярын нээлтийн ёслол болж байна. “Хятад, Монголын хоёр дахь удаагийн ЭКСПО” 9 дүгээр сарын 26-30-нд Хөххотод болно. Ши Жиньпиний хэлсэн үгийг олон улсын хамтын нийгэмлэг нааштай үнэлэв. ”Нэг бүс нэг зам”-ын олон улсын хамтын ажиллагааны дээд уулзалт Бээжин хотноо нээгдэж, Хятад улсын дарга Ши Жиньпин нээлтийн ёслолд оролцон гол сэдвээр чухал үг хэлэв. ”Нэг бүс нэг зам”-ын олон улсын хамтын ажиллагааны дээд уулзалт нээлтээ хийлээ. Монгол Улсын Ерөнхий сайд Ж.Эрдэнэбат БНХАУ-Д айлчилна. Бээжин хот бэлэн байна. Дэлхий дээрх хамгийн том усан дээр буугч нисэх онгоцыг 5 дугаар сард туршина. МУИС-д Монгол Ганжуур, Данжуурын бүрэн ботийг хандивлав. Хятад улсын дарга Ши Жиньпин АНУ ба Финланд улсад албан ёсны айлчлал хийнэ.

Ажлынхаа хажуугаар мөнгө олохыг хүсч байна уу. Тэгвэл үүнийг заавал уншаарай.

Өдгөө улс оронд маань санхүүгийн хямрал нүүрлэж, хүн бүр л мөнгөний хойноос үхэн хатан тэмцэх болсон билээ. Зөв зүйтэй арга замаар мөнгөө хэмнэж, хурааж хуримтлуулах нь хямралын үед хэрэгжүүлж болох хамгийн гайхалтай арга аж. Харин та ажил хийж, сар бүр цалин авахаас гадна, нэмэлт орлого олж, санхүүгийн нөхцлөө дээшлүүлэх боломжтой юм. Иймд бид та бүхэндээ ажлынхаа хажуугаар хийж, мөнгө олох аргуудаас танилцуулахаар бэлтгэлээ.

1, Өөрийн гараар юм хийх

Хэрэв та гарын ур дүйтэй нэгэн бол үүнийгээ ашиглаж, мөнгө олж болох юм. Ажлынхаа зав зайгаар гэртээ амрах хугацаандаа жижиг цүнх, юбка зэргийг урлаж, худалдаалаарай. Энэ нь материалаас өөр зүйл шаардахгүй тул, цэвэр ашиг нь их байх аж. Заавал хувцас оёх биш, охидын зүүлт, чимэглэл, бэлэгний сав зэргийг ч та гараараа урлаж, худалдаалах боломжтой. Сүүлийн үед оюутан залуус энэхүү аргыг хэрэглэж, сурахынхаа хажуугаар орлого олох болсон. Бараа бүтээгдэхүүнээ олон нийтийн сүлжээгээр сурталчилж, шинэ санаа, шинэлэг байдлыг эрэлхийлсэн нь илүү их ашиг олж, амжилттай байгааг дурдах нь зүйтэй болов уу. Та ч бас энэхүү аргыг туршиж, мөнгөтэй болоорой. 

2, Хүүхэд асрагч хийх

Мэдээж айлын хүүхэд харж, өсгөнө гэдэг хэцүү зүйл. Гэхдээ энэ нь танд туршлага болж, олон зүйлсийг зааж өгнө гэдгийг ойлгоорой. Та хүүхэд асарч, халамжилж сурах төдийгүй цалин болгож багагүй хэмжээний мөнгө авна. Ингэснээр та хожим хүүхэдтэй болоод асарч, халамжлах тал дээр асуудалгүй байх аж. Мөн энэ нь таниас ямар нэгэн сургуулийн диплом шаардахгүй тул сэтгэл амар байж болох юм. Оюутан залуус хичээлийнхээ хажуугаар хийх боломжтой бөгөөд тэдэнд их зүйлсийг зааж өгч, амьдралд бэлтгэгдэх газар болохыг ч үгүйсгэхгүй. 

3, Интернэтээр бараа зарах

Сүүлийн үед цахим сүлжээг ашиглах хүмүүсийн тоо эрс өссөн тул үүнийг ашиглаж, бараа худалдаалах боломжтой. Эдэлж, хэрэглэхээ больсон эд зүйлсээ хэрэгтэй хүнд нь хямд үнээр худалдаалах нь сайхан санаа бөгөөд таниас цаг зав шаардахгүй байх давуу талтай юм. Үүнээс гадна, та гаднаас бараа захиалж, бусдад түгээн зарж болох төдийгүй энэ нь багагүй ашгийг таны халаасанд оруулах болно. Хамгийн гол нь хүмүүсийн хэрэгцээ болсон, хамгийн их эрэлттэй байгаа барааг оруулж ирснээр амжилттай наймаа болохыг анхаараарай. Мөн энэ тохиолдолд маркетинг хийх нь чухал юм. 

4, Хичээл заах

Энэ нь таниас диплом шаардаж, мэргэжил харахгүй тул оюутан залуус болон их сургууль дүүргээгүй хүмүүст тун тохиромжтой ажил юм. Танд ердөө л арван жилийн боловсрол, мэдлэг, хүнд зааж сургах чадвар байхад хангалттай юм. Тэр дундаас та өөрийн хамгийн сайн хичээлээ сонгож, арван жилийн хүүхдүүдэд гэрийн багш хийх боломжтой бөгөөд энэ нь цагийн ажил тул өөр ажилтай хослуулж, цагаа зохицуулж хийх боломжтой. Үүнээс гадна, заавал гэрээр заах гэлгүй цахим сүлжээг ашиглан, дүрсээ харан ярилцаж, хичээл зааж болох төдийгүй энэ нь ажлын хажуугаар хийх боломжтой гэдгээрээ давуу талтай билээ. 

5, Орчуулга хийх

Та чөлөөт цагаараа аливаа зүйлсийг найруулан бичих, орчуулга хийх зэргээр мөнгө олж болно. Гэхдээ та найруулан бичих, орчуулга хийх чадвартай байх ёстойг анхаараарай. Хэрэв та гадаад хэлтэй бол, энэхүү чадвараа ашиглаж, ажлынхаа хажуугаар орчуулга хийж мөнгө олоорой. 

6, Хоол хийх

Та хэрхэн амттай хоол хийхийг мэдэх үү? Тийм бол үдэшлэг, хүлээн авалт зэрэгт дуудлагаар хоол хийж, орлогоо нэмэгдүүлээрэй. Энэ нь цагийн ажил тул та ажлынхаа хажуугаар хийж, мөнгө олох боломжтой юм. Хэрэв та хоол хийх дуртай бол, энэ нь танд хамгийн таатай ажил байх болно. Мөн энэ чиглэлээр суралцах хүсэлтэй, хоол хийх онцгой чадвартай хүмүүст туршлага болох аж. 

7, Хөтөч

Хөтөч бол улирлын чанартай ажил бөгөөд гадаад хэлний мэдлэгээ дээшлүүлэх, эх орныхоо үзэсгэлэнт байгалаар аялах, үзэл бодлоо чөлөөтэй илэрхийлэх гэх мэт олон зүйлд эерэг нөлөө үзүүлж, таныг хөгжиж дэвшихэд ач тустай байдаг. Хамгийн гол нь та зуны улиралд амралтаа авдаг, дээрээс нь хэлний мэдлэг сайтай бол хөтөч хийж болох юм. Мөн цэвэр агаарт ажиллах учраас хотын стресс, бухимдал, утаа зэргээс холуур байх төдийгүй гадны жуулчдаас багагүй цайны мөнгийг авах боломжтой.

8, Найруулан бичих

Танд аливааг уран яруугаар, найруулан бичих чадвар бий юу? Тийм бол энэхүү чадвараа ашиглаж, чөлөөт цагаараа бусдын бичсэн зохиол, ярилцлага, эссэ зэргийг засч, багагүй хэмжээний мөнгө олоорой. Та үүнийг гэртээ амарч суухдаа хийх боломжтой тул, хөлс болгож авсан мөнгө тань нэмэлт орлого болж ирэх аж.  

9, Зураг авах

Мэдрэмж, сонирхол байхад та гайхалтай зураг авч, үүгээрээ мөнгө олж болох юм. Хамгийн гол нь та үүндээ сонирхолтой байх ёстой бөгөөд аажимдаа сайжирч, нэг л мэдэхэд гэрэл зурагчин болсон байж мэднэ. Та тус ажлынхаа хажуугаар бусдын зургийг авч, мөнгө олох төдийгүй үүнээсээ аз жаргал, кайфыг давхар мэдрэх аж. Ямартай ч хүсэл сонирхлоо дагаж явсаар нэг л мэдэхэд алдартай зурагчин болж, үзэсгэлэнгээ гаргахыг үгүйгэхгүй шүү дээ.

Найруулагч:Д.МӨЧИР
Эх сурвалж:CAAK
Мэдээ үзсэн:218
Зохиогчийн эрх хуулиар хамгаалагдсан. Мэдээлэл хуулбарлах хориотой