Уурхайн “уран дархан”

Налгар намрын нэгэн сайхан өдөр Өвөр Монголын Пиньжань нүүрсний ХХК-ийн Люйжя нүүрсний уурхайн машин цахилгааны дүүргийн цахилгаан хүчний хяналт шалгалтын ангид олон ажилчин хуран цуглаж, ангийн дарга Жаохүй “Машины гэмтлийг чихээрээ чагнан мэдэх” гайхамшигт эрдмийг заана. Сонгодог жишээгээр мэдлэг уламжилж байгаа цахилгаан хүчний хяналт шалгалтын ангийн дарга Жаохүй энэ жил ХКН-ын ХIХ хурлын төлөөлөгчөөр сонгогдсон нь түүнд урам хайрлажээ.

Уурхайн машин төхөөрөмжийн “эрүүл мэндийн эмч” цолтой Жаохүй машин засаж арчлан хамгаалахаас гадна машин төхөөрөмжид “жижиг мэс засал” хийдэг. 41 настай тэрээр нүүрсний салбарын Хятад улсын зэрэглэлийн мастераар шалгарсан байна.

Хатуужилтай суралцаж, халшрахгүй судлах нь Жаохүйн бусдаас оройлж яваа гол шалтгаан юм. Жаохүй 1997 онд Пиньжаний мэргэжлийн ажилтны сургуулийг төгсөж, Люйжя нүүрсний уурхайн машин цахилгааны дүүргийн ороогуурын ажлыг хариуцжээ. Хичээл зүтгэл хүнийг гомдоохгүй гэдгээр хэдэн жилийн хатуужилтай зүтгэлээр эцэст нь төхөөрөмжийг арчлан хамгаалах талын мэргэжилтэн болжээ. 2004 онд ороогурын хамгаалалтын ангийн даргаар сонгогдож, 2012 онд цахилгаан хүчний хяналт шалгалтын ангийн даргын үүргийг хариуцав.

Люйжя нүүрсний уурхай нь олон жилийн түүхтэй уурхай болно. Уурхайн худгийн байдал, нүүрс малтах чадвар зэрэг хязгаарлалаас болж нүүрс татан гаргах хэмжээгээ дээшлүүлэхэд хамгийн тэргүүнд машины ажиллах үр дүнг сайжруулахаас эхлэх хэрэгтэй. 2009 онд Жаохүй багаа удирдан гол худгийн ороогуурын хурдыг багасгах цэгийг өөрчилж, жигд хурдаар явах замыг уртасган гол худгийн удаа бүрийн дээшлүүлэх үелэлийн цагийг 36.98 минут богино болгожээ. Олон жилийн ажлын туршлагаар Жаохүй “дээшлүүлэх машины дулааны хэмжээг сүлжээн дээр урьдчилан сэрэмжлэн хянан шалгах систем”-ийг судлан бүтээжээ.

2011 онд Люйжя нүүрсний уурхай “Жаохүй их мастерын ажиллах тасаг”-ийг байгуулжээ. Жаохүй “үргэлж асуух, үргэлж үзэх, үргэлж сонсох, үргэлж хэрэглэх, үргэлж тэмдэглэх, үргэлж хөдлөх, үргэлж бодох” долоон үргэлжийн уран аргыг хураангуйлжээ. Тэрээр Хятад улсын нүүрсний салбарын мэргэжлийн их мастер, Хятад улсын 10 шилдэг анги багийн дарга, Хятад улсын нүүрсний үйлдвэрийн шилдэг залуу уурхайч, Хятад улсын хөдөлмөрийн жишээч, Хятад улсын цахилгааны группийн тэргүүний машин цахилгааны мастераар шалгарчээ. 

Зохиогч:Ван Тана
Найруулагч:Х.АРВИНТАЛ
Эх сурвалж:ӨМӨС
Мэдээ үзсэн:146
Зохиогчийн эрх хуулиар хамгаалагдсан. Мэдээлэл хуулбарлах хориотой