Өвөр Монголын соёл аялал жуулчлалын долоо хоног арга хэмжээний нээлт Солонго сэтгүүлийн 25 жилийн ойн баярын уншигчдын наадам болон Солонго хэвлэл мэдээллийн III форум Улаанбаатар хотноо Хятадын кино долоо хоног арга хэмжээний нээлтийн ёслол Улаанбаатар хотод боллоо Мэдэгдэл Мэдэгдэл---通知 “Хятад-Монголын хоёр дахь удаагийн ЭКСПО” нээлтээ хийлээ. Ли Жихэн, Бү Шяолинь УИХ-ын дэд сайд Я.Санжмятав нартай уулзалт хийв. Сайн дурынхны тангараг өргөх ёслол боллоо. “Хятад-Монголын экспо”-д Монгол Улсын 320 гаруй үндэсний үйлдвэрлэгчид оролцоно. НҮБ-ын цөлжилттэй тэмцэх конвенцийн XIII удаагийн хурал нээлтээ хийлээ. Хятад улс цөлжилтийн эсрэг тэмцэж, дэлхийн гайхамшгийг бүтээв. Монгол-Хятадын хоёр дахь удаагийн экспо зохион байгуулах ерөнхий төлөвлөгөө Монгол-Хятадын хоёр дахь удаагийн экспо арга хэмжээний хэвлэлийн бага хурал Бээжин хотод зохион байгуулагдав. ӨМӨЗО байгуулагдсаны 70 жилийн ойн баярын нээлтийн ёслол болж байна. “Хятад, Монголын хоёр дахь удаагийн ЭКСПО” 9 дүгээр сарын 26-30-нд Хөххотод болно. Ши Жиньпиний хэлсэн үгийг олон улсын хамтын нийгэмлэг нааштай үнэлэв. ”Нэг бүс нэг зам”-ын олон улсын хамтын ажиллагааны дээд уулзалт Бээжин хотноо нээгдэж, Хятад улсын дарга Ши Жиньпин нээлтийн ёслолд оролцон гол сэдвээр чухал үг хэлэв. ”Нэг бүс нэг зам”-ын олон улсын хамтын ажиллагааны дээд уулзалт нээлтээ хийлээ. Монгол Улсын Ерөнхий сайд Ж.Эрдэнэбат БНХАУ-Д айлчилна. Бээжин хот бэлэн байна.

Эдийн засаг, худалдааны салбарын хамтын ажиллагаа өргөжиж байна

Эдийн засаг, худалдааны салбарын хамтын ажиллагаа өргөжиж байна

Хятадын албаны талын төсөөлснөөр, энэ онд Хятад, Оросын худалдааны хэмжээ 100 гаруй тэрбум долларт хүрэх төлөвтэй байна. Хятад, Оросын эдийн засаг, худалдааны харилцан нөхөх чанар ихтэй учраас БРИКС-ийн орнуудын хөгжил, дэлхийн эдийн засгийн хөгжилд түлхэц болно гэж мэргэжилтнүүд үзэж байна.

Хятадын Худалдааны яамны тоо баримтаас үзвэл, 2017 онд Хятад, Оросын худалдааны хэмжээ 84 тэрбум ам.долларт хүрч, өнгөрсөн оны мөн үеэс 20.8 хувиар нэмэгджээ. Энэ оны эхний хагаст Хятад, Оросын экспорт импортын өсөлт 16 хувьд хүрсэн юм. Хятадын Худалдааны яамны хэвлэлийн төлөөлөгч Гао Фэн хэлэхдээ:

“Хөрөнгө оруулалтаас үзвэл, 2017 онд БНХАУ-аас ОХУ-д шууд оруулсан хөрөнгө 2 тэрбум 220 сая ам.долларт хүрч, 2016 оныхоос 72 хувиар нэмэгдсэн. Оростой шинээр байгуулсан барилгын ажлын гэрээнд тусгагдсан мөнгөний хэмжээ 7 тэрбум 750 ам долларт хүрч, 2016 оны мөн үеэс 191.4 хувиар нэмэгдэж, нэмэгдлийн хэмжээ нь нэг бүс нэг зам дагуу орнууд дундаа тэргүүлсэн” гэжээ.

Хамтын ажиллагааны хувьд уламжлалт эрчим хүч, агаарын аялал, дэд бүтцийн салбарыг хамрахаас гадна Хятад, Орос хоёр Алс Дорнодыг нээх, тоон эдийн засаг, хил дамнасан цахим худалдаа зэрэг шинээр хөгжиж байгаа салбарын хамтын ажиллагааг эрчимжүүлж, хоёр талын эдийн засаг, худалдааны харилцааны шинэ өсөлтийн цэг бий болгохоор хүчин зүтгэж байна. Гао Фэн хэлэхдээ: Ойрын жилүүдэд Хятад, Орос хоёр орны стратегийн томоохон төслүүдийн хамтын ажиллагаа илэрхий үр дүнд хүрч, хоёр талын худалдаа, хөрөнгө оруулалт, үйлдвэрлэлийн хамтын ажиллагааг ахиулж байна гэжээ.

"Эрчим хүчний салбарт Хятад, Оросын газрын тосны сэргээсэн шугамыг барьж, газрын тос нийлүүлж эхэлсэн. Зүүн шугамын хийн хоолойг төлөвлөгөөний дагуу барьж байгаа. Шингэрүүлсэн хийн төслийн анхан шатны бүтээн байгуулалтыг дуусгаж, ашиглалтад орууллаа. Иргэний агаарын тээврийн салбарт алсын удирдлагатай зорчигч тээврийн CR929 онгоцыг хамтран судлах төслийн ажил эхэлж, бодит үе шатандаа орсон. Хүнд даацын нисдэг тэрэгний төслүүдийн хамтарсан төсөл ч тогтвортой хөгжиж байна. Хил дамнасан дэд бүтцийн талаар Түнжян-Нингское боомтыг холбосон төмөр зам, Хэйхэ-Амур хотыг холбосон авто замын бүтээн байгуулалтын ажил урагштай ахиж, 2018, 2019 онд тус тус байгуулж дуусах төлөвтэй байна"

Хоёр сарын дараа Хятадын олон улсын импортын анхдугаар үзэсгэлэн яармаг Шанхай хотод нээгдэж, ОХУ тус үзэсгэлэнд оролцоно. Оросын экспортын төвийн мэдээнээс үзвэл, тус төв аж ахуйн нэгжүүдийг зохион байгуулж Шанхайн үзэсгэлэн яармагт оролцох бэлтгэл хийж, хүнс, хөдөө аж ахуй, эрүүл мэндийн бүтээгдэхүүн, өргөн хэрэглээний бараа, өндөр технологийн тоног төхөөрөмж, үйлчилгээ зэрэг салбарын аж ахуйн нэгжүүдийг оролцуулах юм байна.

Харин сүүлийн жилүүдэд Хятад, Оросын эдийн засаг, худалдааны хамтын ажиллагааны цар хүрээ өргөжин, хурд нь түргэсэж, үр ашиг дээшилсний зэрэгцээ, нөөц боломж нэмэгдэж Орос нь Хятад улсын худалдааны 11 дэх түншээс энэ оны эхний 4 сард 9 дэх том түнш болж, бүтэн жилд хоёр орны худалдааны нийт хэмжээ 100 гаруй тэрбум ам.долларт хүрэх төлөвтэй байна. Хятадын Худалдааны яамны дэргэдэх судалгааны хүрээлэнгийн Олон улсын зах зээл судлалын газрын орлогч дарга Бай Мин хэлэхдээ:

“Хялбар нөхцөлөөс гадна, хоёр орны эдийн засгийн бүтэц харилцан нөхөх талтай байдаг. Хятад бол дэлхийн хамгийн том үйлдвэрлэгч орон, харин Орос бол эрчим хүч, нөөц баялгийн их гүрэн. ОХУ улам их хэмжээний хөнгөн аж үйлдвэрийн бүтээгдэхүүн, хэрэглээний эд зүйл, үйлдвэрлэлийн материал шаардах ба үүнийг Хятад улс бүрэн хангаж болно. Ийм нөхцөлд хоёр орны хамтын ажиллагаа аль аль талдаа ашигтай төдийгүй, БРИКС-ийн орнууд, улмаар “нэг бүс нэг зам” дагуу орнуудын хөгжил, бүр цаашлаад дэлхийн эдийн засгийн хөгжилд чухал түлхэц болно” гэжээ.

Найруулагч:Б.МӨЧИР
Эх сурвалж:http://mongol.cri.cn
Мэдээ үзсэн:112
Зохиогчийн эрх хуулиар хамгаалагдсан. Мэдээлэл хуулбарлах хориотой