”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ. Хоёр улсын ирээдүйн зам дардан байна. Хятад-АСЕАН-ы үзэсгэлэн болж байна. Ши Жиньпиний БНИУ-д хийх төрийн айлчлал эхэллээ. Хятад, Америкийн эдийн засаг, худалдааны уулзалт зохионо. Хайнань Хайвэн гүүр албан ёсоор ашиглалтад орлоо. Ши Жиньпин Европын гурван улсад төрийн айлчлал хийнэ. Ши Жиньпин дарга захидлын хариу илгээв. Биет бус соёлын өвийн хөгжлийг дэмжиж байна.

Элчин сайд Шин Хаймин Хууль зүй, дотоод хэргийн сайд Ц.Нямдоржийг хүлээн авч улзав

Элчин сайд Шин Хаймин Хууль зүй, дотоод хэргийн сайд Ц.Нямдоржийг хүлээн авч уулзав.

Элчин сайд Шин Хаймин энэ сарын 10-нд Монгол Улсын Хууль зүй, дотоод хэргийн сайд Ц.Нямдоржийг хүлээн авч уулзав.

Элчин сайд Шин Хаймин хэлэхдээ, “Хятад Монгол хоёр орон бол уул усаар холбогдсон найрамдалт хөрш бөгөөд хоёр орны ард түмэн гүн зузаан уламжлалт найрамдлын харилцаатай. 2014 онд Ши Жиньпин дарга Монгол Улсад амжилттай айлчилж, хоёр орон иж бүрэн стратегийн түншлэлийн харилцаа тогтоон, хоёр талын харилцаа хөгжлийн хурдны замдаа орсон билээ.

Хятад, Монголын хууль сахиулах салбарын хамтын ажиллагаа бол хоёр талын хамтын ажиллагааны чухал бүрэлдэхүүн хэсэг юм. Хятад, Монгол хоёр улс дипломат харилцаа тогтоосны 70 жилийн ойг тохиолдуулан Хятадын тал боломжийг ашиглан Монгол Улсын Хууль зүй, дотоод хэргийн яамтай холбогдох хамтын ажиллагаагаа идэвхтэй ахиулан, “Бүс ба зам” санаачилгыг Монголын “Хөгжлийн зам” стратегитай уялдуулахад хууль зүйн баталгааг хангаж, хоёр орны иж бүрэн стратегийн түншлэлийн харилцааны агуулгыг тасралтгүй баяжуулахад бэлэн байна.

Сүүлийн үед Америк, өрнөдийн улс төрийн этгээдүүд болон хэвлэл мэдээллийнхэн Хонконг, Шиньжяны асуудлаар хөөрөгдөн сурталчилж буй. Энэ нь тэр чигээрээ Хятадын дотоод хэрэгт хөндлөнгөөс оролцсон эзэрхэх үзлийн үйлдэл, шинж чанар нь туйлын хүнд ноцтой, Хятадын тал үүнийг эрс эсэргүүцнэ. Эдгээр цуурхал дэлхийн ард түмнийг мэхэлж чадахгүй, Монголын ард түмнийг мэхэлж чадахгүй. Хятадын энх тайвнаар хөгжих замыг хориглож ч чадахгүй, Хятадын үндэстнүүдийн аугаа их сэргэн мандалтын Хятадын мөрөөдөл заавал биелэгдэнэ гэдэгт итгэж байна” гэлээ.

Сайд Ц.Нямдорж, “Хятад бол Монголын чухал хөрш улс. Монголын тал Хятадтай тогтоосон найрамдалт харилцаагаа өндрөөр хүндэтгэн үздэг. БНХАУ-аас Монгол Улсад суугаа Элчин сайдын яамны дэмжлэг дор Монголын Хууль зүй, дотоод хэргийн яам, Хятадын Хууль зүйн яам, Дотоодыг хамгаалах байгууллагатай тогтоосон харилцаагаа сайтар хадгалж, цаашид Хятад улстай хууль зүй, хууль хэрэгжүүлэх тогтолцоо, террористыг эсэргүүцэх салбарын хамтын ажиллагаагаа улам өргөтгөж, хоёр орны хамтын ажиллагааг хөгжүүлэхэд Монголын тал бэлэн байна. Хятадын талын Хонконг, Шиньжяны асуудлаарх байр суурийг Монголын тал ойлгож байна. Хятадын Засгийн газар эх орныхоо нэгдэл, нийгмийн тогтвортой байдлыг хамгаалах хүчин чадалтай гэдэгт итгэж байна. Хятадын ард түмэн Хятад мөрөөдлөө биелүүлэхийг хүсье” хэмээв.

Найруулагч:Б.Сүлдээ
Эх сурвалж:Синьхуа агентлаг
Мэдээ үзсэн:1131
Зохиогчийн эрх хуулиар хамгаалагдсан. Мэдээлэл хуулбарлах хориотой