”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ. Хоёр улсын ирээдүйн зам дардан байна. Хятад-АСЕАН-ы үзэсгэлэн болж байна. Ши Жиньпиний БНИУ-д хийх төрийн айлчлал эхэллээ. Хятад, Америкийн эдийн засаг, худалдааны уулзалт зохионо. Хайнань Хайвэн гүүр албан ёсоор ашиглалтад орлоо. Ши Жиньпин Европын гурван улсад төрийн айлчлал хийнэ. Ши Жиньпин дарга захидлын хариу илгээв. Биет бус соёлын өвийн хөгжлийг дэмжиж байна.

Өвөр Монголын өвлийн соёл аялал жуулчлалыг сурталчлах арга хэмжээ Жүхай хотод эхэллээ

Өвөр Монголын өвлийн соёл, аялал жуулчлалыг сурталчлах арга хэмжээ Жүхай хотод эхэллээ.

 ӨМӨЗО-ы Соёл, аялал жуулчлалын газраас зохион байгуулсан "Аз жаргалтай мөс цасны улирал, Үзэсгэлэнт сайхан Өвөр Монгол" Өвөр Монголын өвлийн соёл, аялал жуулчлалыг сурталчлах үйл ажиллагааны эхний өртөө 09-р сарын 21-нд "Олон арлын хот", "Романтик хот" нэртэй Жүхай хотод боллоо. 

"Өвлийн улиралд Өвөр Монголын аялал жуулчлал нь соёлын уламжлалаас шалтгаалан илүү сонирхолтой байдаг. Энэхүү өвлийн соёл аялал жуулчлалыг сурталчлах үйл ажиллагаа нь зөвхөн соёл, аялал жуулчлалын тусгай шугамын бүтээгдэхүүнийг танилцуулахаас гадна өвлийн 14 дэх удаагийн өвлийн улирлын спортын наадам, түүнчлэн Өвөр Монголын соёлоор шинийг санаачлах, Улаанмөчирийн тоглолт зэргээр жуулчдад соёл аялал жуулчлалын бүтээгдэхүүнийг танилцуулах болно" гэж ӨМӨЗО-ы Соёл, аялал жуулчлалын газрын орлогч дарга Ли Шяочю танилцуулав.

Уулзалт дээр уянгат дууны эгшиг, уран бүжгийн хэмнэлд тал нутгийн соёлын хэв намбыг гайхалтай сайхан харууллаа. Өвөр Монголын Соёл, аялал жуулчлалын газар, Хөлөнбуйр хот, Улаанхад хот, Шилийнгол аймаг нь Өвөр Монголын онцлог шинжтэй соёл аялал жуулчлалын бүтээгдэхүүн, соёл аялал жуулчлалын алдарт маршрут, соёл аялал жуулчлалыг хөгжүүлэх талаар холбогдох бодлого, арга хэмжээг сурталчилж байна. Мөн хурлын үеэр Өвөр Монголоос гаднах бусад  аялал жуулчлалын компаниудад хөнгөлөлттэй урамшууллыг танилцуулав. Өвөр Монголын Спортын Товчооны холбогдох ажилтнууд зочдод "14 дэх өвлийн спортын наадам"-тай холбоотой арга хэмжээ, тэмцээний хуваарилалтын талаар дэлгэрэнгүй танилцуулга хийжээ.

Өвөр Монгол, Макао, Жүхай хотын аялал жуулчлалын зургаан агентлаг соёл аялал жуулчлалын нөөцийг хөгжүүлэх, жуулчдыг дагалдан явахад хамтын ажиллагааг бэхжүүлэх зорилгоор хамтын ажиллагааны гэрээ байгуулж, орон нутгийн соёл аялал жуулчлалын салбарын хөгжлийг хамтран ахиулав.

"Эх орны олон үндэстнүүдийн соёлын ялгаа, хойд ба өмнөд нутгийн соёл, ардын зан заншлын онцлог шинж чанарыг ойлгон мэдрэх нь олон жуулчдын хэрэгцээ шаардлага юм. Өвөр Монгол дахь өвлийн соёл аялал жуулчлалыг сурталчлах үйл ажиллагаагаар дамжуулан илүү олон хамтын ажиллагааны боломжуудыг олохыг хүсэж байна" гэж Жүхай хотын Хүмэйда олон улсын аялал жуулчлалын компанийн дотоодын төвийн ерөнхий менежер Жин Ни ярив.

Дараагийн хэдэн өдөр Өвөр Монголын өвлийн соёл аялал жуулчлалыг сурталчлах үйл ажиллагаа Шанхай, Бээжинд ч зохион байгуулагдаж, Өвөр Монголын өвлийн соёл, аялал жуулчлалын нөөцийн бүтээгдэхүүнийг идэвхтэй сурталчилж, соёл, аялал жуулчлалын солилцоо, ууслыг дэмжин ахиулах болно. 

Найруулагч:Т.БУЯНХИШИГ
Эх сурвалж:Тал нутгийн үүл АПП
Мэдээ үзсэн:449
Зохиогчийн эрх хуулиар хамгаалагдсан. Мэдээлэл хуулбарлах хориотой