Сурвалжлагч Хятад улсын төмөр замын Харбинь товчооны группын хязгаарт компаний Манжуур өртөөнөөс мэдээлсэнээр энэ жилийн эхээс 11-р сарын 17-ны өдрийг хүртэл  манай улсын хамгийн том эх газрын замын боомт болох Манжуур боомтын хилээр нэвтэрсэн Хятад, Европын галт тэрэгний тоо  3073-д хүрч өнгөрсөн оны мөн үеэс 30.3 хувиар нэмэгдэв. Мөн Манжуур боомтын хилээр орж, гарах Хятад, Европын галт тэрэг аялал эхэлснээс хойш  жилийн дотор анх удаа 3000-ыг давсан байна гэсэн байна.

    Манжуур боомт бол “Бүс ба зам”-ын чухал зангилааны цэг ба олон улсын ложистикийн тээврийн чухал нэвтрэх зам болно. Энэ он гарснаас хойш Манжуур боомтоор дамжин хилээр орж, гарсан 3073 Хятад, Европын галт тэрэгний дотор хилд орсон галт тэрэгний тоо 1493-д хүрч, өнгөрсөн оны мөн үеэс 49.1 хувиар нэмэгдэв. Хилээс гарсан галт тэрэгний тоо 1580-д хүрч, өнгөрсөн оны мөн үеэс 16.4 хувиар нэмэгдсэн байна.

   - Бид өдөрт дунджаар 100 гаруй контэйнер ачиж, буулгаж байна. Манжуур өртөө нь ачих, оршин суух хугацааг багасгах зорилгоор холбогдох хэлтсүүдтэй урьдчилан холбоо барьж, орж ирж буй галт тэрэгний тухай холбогдох мэдээллийг урьдчилж авч байна. Мөн ажилтан, техник хэрэгслийг урьдчилан зохицуулж, тээврийн үр ашгийг дээшлүүлж байна гэж Манжуур өртөөний барааны тээврийн хэлтсийн орлогч дарга Цүй Дяньлян хэллээ.

Галт тэрэгний тоо мэдэгдэхүйц нэмэгдсэн тохиолдолд Хятад-Европын хурдны галт тэрэгний гаалийн бүрдүүлэлтийг үр дүнтэй хийх үүднээс Манжуур өртөө нь Хятад-Европын галт тэрэгний мэдээллийг динамикаар барьж галт тэрэгний ачих, буулгах, тээвэрлэх, хүлээлгэн өгөх ажлыг баталгаажуулж байна.

Одоогийн байдлаар Манжуур боомтоор дайран өнгөрч буй Хятад-Европын галт тэрэгний  52 зам шугам байна. Хилээр гарч буй Хятад-Европын галт тэрэгний бараа бүтээгдэхүүний эх үүсвэр нь Хятадын Тяньжин, Чанша, Гуанжөү, Сүжөү зэрэг 60 хотыг хамардаг. Гадагшаа чиглэсэн галт тэрэг нь Нидерланд, Герман, Польш, Бельги зэрэг Европын 13 оронд хүрч үйлчилдэг бөгөөд экспортын чиглэлд Гамбург, Варшав, Маласеви зэрэг 28 хотууд багтдаг.