Сурвалжлагч энэ сарын 19-ний өдөр Хятад улсын  Худалдааны яамнаас мэдээлснээр, 2020 онд биет бүтээгдэхүүний онлайн жижиглэнгийн худалдаа 9.8 их наяд юань болж, 14.8% -иар өссөн байна. Энэ нь өргөн хэрэглээний барааны жижиглэнгийн худалдааны 24.9% -ийг эзэлж байна. Хятад улс найман жил дараалан дэлхийн хамгийн том онлайн жижиглэн худалдааны зах зээл болжээ.

Худалдааны яамны холбогдох хүн танилцуулахдаа, 2020 онд Хятадын шинэ хэрэглээ хурдацтай хөгжиж, онлайн болон офлайн уусал хурдацтай явагдав, Жилийн буухиа шуудангийн бизнесийн хэмжээ 83.36 тэрбумд хүрч, цахим худалдааны шууд нэвтрүүлэг 20 сая давжээ. Биет жижиглэн худалдааны компаниуд дижитал өөрчлөлтөө хурдасгаж, онлайн борлуулалт, гэрт нь хүргэх үйлчилгээг эрчимтэй хөгжүүлжээ. Том хэмжээний цахим худалдааны платформууд нь C2M урвуу тохиргоог идэвхтэй хөгжүүлж, холбогдох аж үйлдвэрийг чадавжуулав.  Хэрэглэгчийн хувийн онцлог шинжтэй болон төрөлжсөн хэрэгцээг хангах уян хатан үйлдвэрлэл явуулав гэжээ.

2020 онд хилийн гаднаас импортолсон барааны хэрэглээ нэмэгдэв. Өргөн хэрэглээний барааны импорт 1.57 их наяд юаньд хүрч, өмнөх оны мөн үеэс 8.2% -иар өссөн нь импортын нийт өсөлтийн хурдаас 8.9 пунктээр илүү байна. Үүний дотор мах, үнэт эдлэл, гоо сайхны бүтээгдэхүүний импорт 30 гаруй хувиар, ачааны цүнх, гар цагийн импорт 20 гаруй хувиар өссөн байна. Хайнань арал татваргүй худалдаа эрхлэх шинэ бодлогыг арлаас салах бүтээгдэхүүнд хэрэгжүүлж, татваргүй дэлгүүрүүдийн жилийн борлуулалт 32 тэрбум 740 сая юаньд хүрч, өмнөх оноос 1.27 дахин өссөн байна.