”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ. Хоёр улсын ирээдүйн зам дардан байна. Хятад-АСЕАН-ы үзэсгэлэн болж байна. Ши Жиньпиний БНИУ-д хийх төрийн айлчлал эхэллээ. Хятад, Америкийн эдийн засаг, худалдааны уулзалт зохионо. Хайнань Хайвэн гүүр албан ёсоор ашиглалтад орлоо. Ши Жиньпин Европын гурван улсад төрийн айлчлал хийнэ. Ши Жиньпин дарга захидлын хариу илгээв. Биет бус соёлын өвийн хөгжлийг дэмжиж байна.

Хөгжиж буй орнуудын хөгжлийн эрх ашигт дарамт шахалт үзүүлэх оролдлого бүтэлгүйтэх нь гарцаагүй

Хөгжиж буй орнуудын хөгжлийн эрх ашигт дарамт шахалт үзүүлэх оролдлого бүтэлгүйтэх нь гарцаагүй.

2021 оны 09-р сарын 26-нд Хятадын Төрийн зөвлөлийн гишүүн бөгөөд Гадаад харилцааны сайд Ван И НҮБ-ын Ерөнхий Ассамблейн ерөнхий шүүмжид оролцох үеэр Нигерийн Гадаад хэргийн сайд Хасумитай утсаар ярьжээ.

Ван И хэлэхдээ "Нигер бол Африк дахь Хятадын сайн найз, сайн ахас дүүс, хамтын ажиллагааны чухал түнш юм. Хятадтай найрсаг бодлого баримталж, Хятадын язгуур ашиг сонирхлын асуудлаар Хятадын талын байр суурийг дэмжсээр ирсэн Нигер улсыг Хятадын тал сайшааж байна, энэ нь хоёр талын өндөр түвшинд харилцан итгэлцдэгийг харуулж байна. Хоёр орон цар тахлын эсрэг хүчээ нэгтгэн, бие биедээ тусалж, бэрхшээлийг хамтдаа даван туулж байгаа бөгөөд хамтын ажиллагааны томоохон төслүүд урагштай хэрэгжсээр байна. Хоёр талын дараагийн шатны ажил хэрэгч хамтын ажиллагааг сайтар төлөвлөж, хоёр орны харилцааг тасралтгүй хөгжүүлэхэд Хятад улс бэлэн байна" гэжээ.

Түүнчлэн улс орон бүхэнд хичээл зүтгэлээрээ өөрийгөө хөгжүүлэх эрхтэй. Хөгжиж буй орнуудыг бүхэлд нь сэргээн хөгжүүлэх нь өнөө эрин үеийн хамгийн онцлог шинж бөгөөд энэ нь хүн төрөлхтний нийгмийн ерөнхий ахиц дэвшлийн чухал бэлгэдэл мөн. Хөгжиж буй орнуудын хөгжилд дарамт шахалт үзүүлэх ямарваа оролдлого эцсийн эцэст ялагдал хүлээх нь гарцаагүй юм. Нигертэй хамтаар олон улсын болон бүс нутгийн индэрт харилцан дэмжиж, олон улсын харилцааны үндсэн хэм хэмжээ, олон улсын шударга ёсыг хамтаар хамгаалж, хөгжиж буй орнуудын хууль ёсны хөгжлийн эрх ашгийг бэхжүүлэхэд Хятад улс бэлэн байна гэдгийг Ван И онцолжээ.

Хасуми хэлэхдээ "Нигер, Хятад хоёр орон өнө удаан найрсаг харилцаатай бөгөөд хоёр орон харилцан тууштай дэмжиж ирсэн юм. Нигерийн ард түмэн Хятад улс болон Хятадын ард түмэнтэй тогтоосон найрсаг харилцааг эрхэмлэн дээдэлж, Нигерийн хөгжлийн төлөө хүчин зүтгэсэн Хятад улсад гүнээ талархаж байна. Хятадын хөгжил хүн төрөлхтний ​нийгмийн хөгжил, дэвшлийн ерөнхий чиг хандлагад нийцэж байгаа бөгөөд Хятад улсын ололт амжилт нь бүх хүн төрөлхтөнд аз жаргал авчирч байна. Хятадтай олон салбарын хамтын ажиллагаагаа тэлж, Африк-Хятадын найрамдлын үлгэр жишээг бий болгоход Нигер улс бэлэн байна. Ши Жиньпин даргын дэвшүүлсэн "Дэлхийн хөгжлийн тухай санаачилга" нь Африкийн орнуудын хөгжлийн эрэлт шаардлагад нийцэж байна. Нигерийн тал энэ санаачилгыг бүрэн хүлээн зөвшөөрч, тууштай дэмжиж байгаа бөгөөд Хятад улстай хамтран хөгжиж буй орнуудын хөгжлийн тухай байх ёстой эрх, бие даасан хөгжлийн замаа сонгох хууль ёсны ашиг сонирхлыг хамгаалж ажиллахад бэлэн байна" гэжээ. 

Найруулагч:Б.АРИУХАН
Эх сурвалж:cri
Мэдээ үзсэн:92
Зохиогчийн эрх хуулиар хамгаалагдсан. Мэдээлэл хуулбарлах хориотой