05-р сарын 26-нд, ИНЕГ-ын Нисэхийн аюулгүй байдлын албаны орлогч дарга Ү Шыже хэвлэлийн бага хурал дээр хэлэхдээ: -Дөрөвдүгээр сард тээврийн нисэхийн осол гараагүй, аюулгүй ажиллагааны нөхцөл байдал ерөнхийдөө тогтвортой байна. Иргэний агаарын тээврийн салбар тээврийн нислэгийг 262 мянган цаг гүйцэтгэсэн нь өмнөх оны мөн үеэс 73.7 хувиар буурч, ерөнхий агаарын тээврийн 113 мянган цаг ниссэн нь өмнөх оны мөн үеэс 3.8 хувиар өссөн байна.

Ү Шыже хэлэхдээ:

-Дотоодын цар тахлын илэрхий нөлөөлөл , эдийн засагт үзүүлэх дарамт шахалт нэмэгдэж, онгоцны түлшний үнэ өндөр байгаа зэргээс шалтгаалан дөрөвдүгээр сард иргэний агаарын тээврийн үйлдвэрлэлийн үзүүлэлтүүд огцом буурав.

Бүх салбарын тээврийн нийт эргэлт 2.95 тэрбум тонн километрт хүрч 2019 оны мөн үеийнхээс 68.0 хувиар бууран, зорчигч тээврийн хэмжээ 7.88 сая хүн байж 2019 оны мөн үеийнхээс 84.6 хувиар буурч, ачаа шуудангийн тээвэрлэлтийн хэмжээ 420 мянган тонн болж 2019 оны мөн үеийнхээс 35.9 хувиар буурсан байна. Дөрөвдүгээр сард нислэгийн үр ашгийн индекс улам буурч, тус салбарт агаарын хөлгийн өдөр тутмын ашиглалтын хэмжээ 2.2 цаг болж, өмнөх оны мөн үеэс 6.4 цагаар буурчээ.

Үйл ажиллагааны дэмжлэгийн хувьд дөрөвдүгээр сард нийт 136 мянган төрлийн нислэгийн баталгааг гаргаж, өдөрт дунджаар 4526 нислэг үйлдэж, өмнөх оны мөн үеэс 69.8 хувиар буурав. Улсын хэмжээнд нислэгийн тогтмолжилт 97.5 хувьтай байна.