Хятадын Боловсролын яамны цахим хуудсанд мэдээлснээр сүүлийн 10 жилийн хугацаанд Хятад улсын төгсөлтийн дараах боловсрол нь "дөрвөн тал"-ын стратегийн байршуулалтад нягт үйлчилж, мэргэжлийн бүтэц, авьяас чадварын сургалтын бүтцийг үргэлжлүүлэн сайжруулсаар байна. Сүүлийн 10 жилд Хятад улс 600 мянга гаруй доктор, 6.5 сая магистр бэлтгэж, нам болон үндэсний хөгжилд хүчтэй дэмжлэг үзүүлж чаджээ. Хятадын онцлогтой мэргэжлийн тогтолцоо нь илүү төгс төгөлдөр болж байгаа юм. Цахим орон зайн аюулгүй байдал, нэгдсэн хэлхээний шинжлэх ухаан ба инженерчлэл, үндэсний аюулгүй байдал, Хятадын уламжлалт анагаах ухаан зэрэг нэгдүгээр түвшний мэргэжлүүд болон мэргэжлийн зэрэглэлийн хэд хэдэн ангилал нэмэгдэж, инженерийн зэрэглэлийн ангиллыг 1-ээс 8 болгон өөрчилснөөр улс орны эдийн засаг, нийгмийн хөгжлийн үндсэн чиглэлүүдийг багтаасан 14 салбар, нэгдүгээр түвшний 113 хичээл төрөл, мэргэжлийн зэрэглэлийн 47 ангилал бүхий хичээлийн каталогийг бүрдүүлэв. Мэдлэгийн инновац, шинжлэх ухаан, технологийн үйлчилгээ, үйлдвэрлэлийн шинэчлэлийг цаашид дэмжих зорилгоор хөтөлбөр, мэргэжлүүдийн каталогийг шинэчлэн боловсруулах ажлыг зохион байгуулж, шинэ каталогийг удахгүй гаргаж, хэрэгжүүлэх гэж байна.
Сургалтын системийн ангилал нь илүү төгс болсон. Эрдмийн зэрэг,судалгаа шинжилгээг тууштай хөгжүүлэхийн зэрэгцээ мэргэжлийн зэрэг дэвийг эрчимтэй хөгжүүлнэ.Магистрын зэрэг хамгаалсан сурагчдын эзлэх хувь 2012 онд 35 хувь байсан бол 2021 онд 58 хувь болж, докторын зэрэг 5.8 хувиас 9 хувь болж нэмэгдсэн байна. Мэргэжлийн зэрэг нь эрдмийн зэрэгтэй адил чухал бөгөөд ангилсан хөгжлийн үзэл баримтлал нь хүмүүсийн зүрх сэтгэлд гүн гүнзгий шингэсэн байдаг.
Гол чухал хөтөлбөрүүд улам бүр бэхжиж байна. Шинжлэх ухаан, хөдөө аж ахуй, анагаах ухааны нэгдүгээр түвшний мэргэжлээр докторын хөтөлбөрийн тоо 2012 онд 1944 байсан бол 2575 болж, "хос нэгдүгээр зэрэглэлийн" бүтээн байгуулалтад шинжлэх ухаан,хөдөө аж ахуй, анагаах ухааны хөтөлбөрийн эзлэх хувь 78.5 хувьд хүрсэн байна. Философи, нийгмийн шинжлэх ухааны бүтээн байгуулалт бэхжиж, ясны бичээс зэрэг соёлын чухал үнэт зүйл бүхий хэд хэдэн мэргэжил хүмүүст танигдан, өвлөгдөж, уламжлагдах болжээ. Авьяаслаг боловсон хүчнийг бэлтгэх төслүүдийг улс оронд нэн шаардлагатай байгаа газруудад идэвхтэй хэрэгжүүлжээ. Үндэсний шинэ тогтолцооны давуу талуудыг бүрэн дүүрэн ашиглаж, улс орны стратегийн томоохон хэрэгцээ, үндсэн чиглэлийг шийдвэрлэх зорилгоор 2021 онд нэгдсэн хэлхээ, нийгмийн эрүүл мэнд зэрэг авьяас чадварыг сургах тусгай төслүүдийг онцгой байдлаар хэрэгжүүлсэн бол энэ онд улс орны хэмжээнд нэн шаардлагатай зорилт, тэргүүлэх чиглэл, өндөр түвшний авьяастнуудыг төлөвшүүлэхийн тулд холбогдох тусгай төслүүдийг үргэлжлүүлэн хэрэгжүүлнэ.
Намын байгуулалт, намын түүх, археологи, соёлын биет бус өв зэрэг нэн шаардлагатай салбаруудын бүтээн байгуулалтыг бэхжүүлэх тусгай арга хэмжээ авна. Хятадын эртний соёл иргэншил, олон улсын харилцаа холбоо, квантын шинжлэх ухаан, технологи, өндөр зэрэглэлийн тоног төхөөрөмж зэрэг нэн шаардлагатай олон арван хөтөлбөрийг багтаасан хөгжлийг чиглүүлэх жагсаалтыг судалж, жил бүр шинэчлэн эмхэтгэн гаргаж,хэрэгжүүлэх болно.
Хөтөлбөр хоорондын шинэлэг механизмуудыг бий болгожээ. Хөтөлбөр хоорондын ангиллыг шинээр нэмж, хөтөлбөр дундын тохиргоо, удирдлагын арга хэмжээг гаргаж, хөтөлбөр дундын салбарыг хөгжүүлэхэд чиглэсэн зохион байгуулалтын зохицуулалтыг хийсэн. 200 гаруй зэрэг олгох нэгжүүд хиймэл оюун ухаан, шинэ эрчим хүч, мэдээллийн технологи, нүүрстөрөгчийн ялгаварлалтыг буруулах зэрэг салбар дундын 700 гаруй салбарыг бие даан байгуулжээ. Бүс нутгийн зохион байгуулалтыг үргэлжлүүлэн оновчтой болгосон.
Бээжин, Шанхай, Гуандүн-Хонконг-Макао зэрэг дэлхийн чухал авьяас чадварын төвүүд болон инновацын төвшин өндөр бүс нутгийн бүтээн байгуулалтад үйлчилдэг докторын хөтөлбөрүүд Хятадын 27.6 хувийг эзэлдэг. Баруун бүс нутгийг хөгжүүлэх стратегид үйлчлэх, хөнгөлөлттэй бодлогоор дэмжих замаар баруун бүсийн докторын зэрэг олгох эрх бүхий их, дээд сургуулиудын тоо энгийн бакалаврын зэрэгтэй их, дээд сургуулиудын эзлэх хувийг улсын дунджаас бага зэрэг өндөр түвшинд хүргэхийг дэмжжээ. Хичээлийн болон үндсэн каталогийн зохицуулалтын хугацааг 10 жил байсныг 5 жил болгон богиносгож, дээд зэрэглэлийн 32 их, дээд сургуульд хөтөлбөр, мэргэжлээ бие даан байгуулах эрх олгосон.
Сүүлийн 10 жилийн хугацаанд холбогдох байгууллага нэгж нийт 5000 шахам хоёрдугаар зэрэглэлийн хичээлийг бие даан байгуулж, динамик тохируулгын дагуу сайн дурын үндсэн дээр 1700 гаруй оноог цуцалсан нь улсын хэмжээнд нийт эрдмийн зэрэг олгох онооны 10 орчим хувийг эзлэх болжээ.
