БНХАУ-ын дарга Ши Жиньпин 6-р сарын 19-ний үдээс хойш ОХУ-ын ерөнхийлөгч Владимир Путинтай утсаар ярьж, Ойрхи Дорнодын байдлын талаар санал бодлоо солилцов.
Путин Ойрхи Дорнодын өнөөгийн байдлын талаар ОХУ-ын байр суурийг танилцуулж, Израиль Ираны цөмийн байгууламжид халдаж байгаа нь маш аюултай. Мөргөлдөөнийг хурцатгах нь аль ч талын ашиг сонирхолд нийцэхгүй, Ираны цөмийн асуудлыг яриа хэлэлцээ, зөвшилцлийн замаар шийдвэрлэх хэрэгтэй гэж онцлов. Мөргөлдөгч талууд гуравдагч орны иргэдийн аюулгүй байдлыг хангах ёстой. Өнөө нөхцөл байдал улам хурцдаж байгаа тул Орос улс Хятадтай нягт харилцаатай байж, нөхцөл байдлыг намжаахад идэвхтэй хүчин чармайлт гаргаж, бүс нутгийн энх тайван, тогтвортой байдлыг хамгаалахад бэлэн байна гэв.
Ши Жиньпин Хятадын зарчимт байр суурийг танилцуулаад, Ойрхи Дорнодын өнөөгийн байдал маш эгзэгтэй байна. Өнөөгийн нөхцөл байдалтай холбогдуулан дөрвөн зүйлийг санаачилж байна. Нэгдүгээрт, гал зогсоож, дайныг зогсоох нь тэргүүн чухал асуудал. Хоёрдугаарт, энгийн иргэдийн аюулгүй байдлыг хангах нь гол зангилаа. Гуравдугаарт, яриа хэлэлцээг эхлүүлэх нь үндсэн гарц. Дөрөвдүгээрт, энх тайвныг дэмжих олон улсын хамтын нийгэмлэгийн хүчин чармайлт зайлшгүй шаардлагатай гэжээ
