Өнөөдөр болсон Худалдааны яамны хэвлэлийн бага хурлаас сэтгүүлчийн мэдээлснээр сүүлийн жилүүдэд Хятад болон Зүүн хойд Азийн орнуудын олон салбарын ажил хэрэгч хамтын ажиллагаа улам гүнзгийрч, эдийн засаг худалдааны солилцоо сайн сайхан хөгжлийн хандлагаа хадгалсаар байна. 2024 онд Хятад улсын Зүүн хойд Азийн таван оронтой хийсэн худалдааны хэмжээ 901.6 тэрбум ам.долларт хүрсэн байна.
2024 онд Хятадын Зүүн хойд Азийн таван оронтой хийсэн худалдааны хэмжээ өмнөх оны мөн үеийнхээс 1.6 хувиар нэмэгдэж, Хятадын нийт гадаад худалдааны бараг 15 хувийг эзэлжээ. Ингэснээр Хятад улс нь Зүүн хойд Азийн таван орны хамгийн том худалдааны түншийн байр сууриа урт хугацааны турш хадгалсаар ирсэн юм.
Худалдааны дэд сайд Янь Дүн:
- Хөрөнгө оруулалтын хамтын ажиллагаа гүнзгийрсээр байна. 2024 онд Хятад улс болон Зүүн хойд Азийн таван оронтой хийсэн хоёр талын хөрөнгө оруулалтын хэмжээ 7 тэрбум ам.доллараас давж, хөрөнгө оруулалтын хамтын ажиллагааны цар хүрээ аажмаар өргөжин тэлж, дижитал эдийн засаг, ногоон хөгжил, дэвшилтэт үйлдвэрлэл, орчин үеийн үйлчилгээ зэрэг шинээр гарч ирж буй салбаруудад шилжсэн бөгөөд бүс нутгийн хамтын ажиллагаа ч эрчимтэй хөгжиж байна. Сүүлийн жилүүдэд Хятад, Монгол, Оросын эдийн засгийн коридорын бүтээн байгуулалт үргэлжлэн ахиц дэвшил гаргаж, бүс нутгийн эдийн засгийн иж бүрэн түншлэлийн хэлэлцээр нухацтай хэрэгжин, бүс нутгийн эдийн засаг худалдааны механизмын хамтын ажиллагаа нааштай үр дүнд хүрчээ.
