12-р сарын 5-нд Хятад улсын дарга Ши Жиньпин Сычуаний Чэндү хотын Дүжян-яньд Францын ерөнхийлөгч Эммануэль Макронтой найрсаг уулзалт хийжээ.
Ши Жиньпин Дүжян-яний түүх болон ач холбогдлыг танилцуулж, Дүжян-яний усан хангамжийн байгууламж нь дэлхий дээр өнөөг хүртэл ашиглагдсаар буй цорын ганц эртний усан хангамжийн байгууламж бөгөөд хүн ба байгаль эв зохицон оршихын хамгийн эртний амжилттай туршлагын нэгэн гэдийг онцолжээ. Мөн уг байгууламжийг сэргээн байгуулах явцад Хятадын үндэстний саад бэрхшээлийг зоригтой даван туулдаг үзэл баримтлал бүрэн тусгагдсаныг онцолжээ.

Эммануэль Макрон хэлэхдээ, Франц, Хятад хамтын хөгжил цэцэглэлд хүрч, хоёр орны ард түмэнд үр өгөөжөө хүртээх ёстойг онцолжээ.

Ши Жиньпин онцлохдоо, түүх, соёлын баялаг өвтэй хоёр орон яриа хэлэлцээ хийх, хамтын ажиллагаагаар дэлхийн энх тайван, тогтвортой байдал болон хүн төрөлхтний хөгжилд илүү их хүчин зүтгэл оруулахад бүрэн итгэлтэй байгаа гэжээ.

Эммануэль Макрон хэлэхдээ, Францын тал Хятадтай харилцаа холбоо, зохицуулалтаа улам бэхжүүлж, яриа хэлэлцээ, зөвшилцлөөр зөрчил маргааныг шийдвэрлэхийг баримтлан, дэлхийн энх тайван, тогтвортой байдлыг хамгаалахад бэлэн байна гэжээ.

Ши Жиньпин болон түүний гэргий Пэн Лиюань нар Эммануэль Макрон болон түүний гэргийг үдийн зоогонд урьжээ.

Хоёр улсын төрийн тэргүүн нар харилцаа холбоогоо гүнзгийрүүлж, Хятад, Францын иж бүрэн стратегийн түншлэлийн харилцааг улам шинэ түвшинд хүргэхээр хамтран ажиллахад бэлэн байна гэдгээ санал нэгтэй илэрхийллээ.