ХКН-ын Төв хорооны Улс төрийн товчоо 12-р сарын 08-нд хурал хийж, 2026 оны эдийн засгийн ажлыг шинжлэн судалж, “Бүх талаар хуулийн дагуу улсаа засах ажлыг удирдах тухай ХКН-ын дүрэм"-ийг хянан хэлэлцэв. Ерөнхий нарийн бичгийн дарга Ши Жиньпин хурлыг даргалав. 

Хятад улсын эдийн засаг ерөнхийдөө тогтвортой байж, тогтвортойн дунд ахицтай байгаа бөгөөд шинэ чанарын үйлдвэрлэлийн хүчин тогтвортой хөгжиж, өөрчлөлт шинэчлэл болон нээлттэй байдлын шинэ алхмууд хийгдэж, гол салбаруудад эрсдэлийг бууруулах идэвхтэй ахиц дэвшил гарч, ард иргэдийн амьжиргааг илүү сайтар баталгаажуулан, нийгмийн ерөнхий тогтвортой байдлыг хадгалав. Сүүлийн таван жилийн хугацаанд бид янз бүрийн түрэлт, сорилтыг үр дүнтэй даван туулж, Хятад улсын эдийн засаг, шинжлэх ухаан технологи, үндэсний батлан ​​​​хамгаалах зэрэг салбар дахь хатуу хүч болон соёл, механизм, дипломат харилцаа зэрэг салбар дахь зөөлөн хүч мэдэгдэхүйц сайжирч, “14-р таван жил”-ийн төлөвлөгөө амжилттай төгсөх гэж байгаа бөгөөд хоёр дахь зуун жилийн зорилтын шинэ аян сайн эхлэлтэй байгааг хурлаас тэмдэглэв. 

Хуралдаанаар ирэх жилийн эдийн засгийн ажил тогтвортой ахиц хийх, чанар үр ашгийг дээшлүүлэх зарчмыг баримтлах ёстойг тэмдэглэв. Хуралдаанаар намын удирдлага, ялангуяа Намын төв хорооны төвлөрсөн, нэгдсэн удирдлагыг бэхжүүлэх шаардлагатайг онцолсон байна. 

Хуралдаанаар "Бүх талаар хуулиар улсаа засах ажлыг удирдах тухай ХКН-ын дүрэм”-ийг боловсруулсан нь нэн өндөр түвшний социалист хуулийн засаглалтай улсыг байгуулахад чухал ач холбогдолтой гэж тэмдэглэсэн байна. Намын удирдлагыг баримталж, бэхжүүлэх, хууль тогтоох, хууль сахиулах, шүүх эрх мэдлийг дэмжих, хуулийг дагаж мөрдөхөд манлайлах зэрэгт намын удирдлагыг үр дүнтэй хэрэгжүүлж, улмаар хуулийн дагуу улсаа засах, хуулийн дагуу засаг хэрэгжүүлэх түвшинг дээшлүүлэх шаардлагатайг иөн хурлаар онцлов.