Саяхан Гуанжөү дахь нэгэн ресторан үйлчлүүлэгчдийнхээ зөвшөөрөлгүйгээр тэдний хоолонд орж байгаа байдлыг шууд дамжуулалтаар олон нийтэд цацсанаар үйлчлүүлэгчдээ  бухимдуулсан асуудал олон нийтийн анхаарлыг ихээр татаж байна.

Орчин үеийн хэрэглэгчид дижитал орчинд илүү идэвхтэй байдаг тул бизнесүүдийн хувьд онлайн орон зайд хэрэглэгч татах чадвар урьд өмнөхөөс илүү чухал ач холбогдолтой болсон. Фитнесс заал, үсчин гоо сайхан, ресторан зэрэг газрууд видео бичлэг, шууд дамжуулалтыг ашиглан, хэрэглэгчдийг татах чухал хүчин зүйлээ болгож байна. Олон бизнес эрхлэгчид өөрсдийн орон зайд шууд дамжуулалт хийх нь бүрэн хууль ёсных бөгөөд тэдгээрээр үйлчлүүлсэн үйлчлүүлэгчдээ чимээгүй зөвшөөрсөн гэж үздэг.

Энэхүү үйлдэл нь олон нийтийн сүлжээ, цахим орчинд хэрэглэгчдийн хувийн нууцыг чимээгүйхэн алдагдуулж байна. Тиймээс технологийн дэвшил, маркетингийн инновац нь хууль ёсны эрхийн дагуу хийгдэх, "Хил хязгааргүй" шууд дамжуулалтын хил хязгаарыг тодорхойлж, дүрмийг тогтоох, аюулгүй байдлыг хамгаалах нь яаралтай асуудал болж байна.

Зохицуулах байгууллагууд бодит арга хэмжээ авах, ердийн тохиолдлуудыг илчлэх, торгуулийн арга замаар урьдчилан сэргийлэх нөлөө үзүүлэх ёстойг хэрэглэгчид шаардсаар байгаа юм. Мөн хяналт шалгалт, гомдол гаргах механизмыг оновчтой болгож, хэрэглэгчийн эрхийг хамгаалахыг нэн тэргүүнд тавих ёстой. Мөн хэрэглэгчид "үгүй" гэж хэлэх зоригтой байх, зөрчлийн эсрэг дуу хоолойгоо илэрхийлэх, хуулийн дагуу эрхээ хамгаалах ёстой.

Цахим орчинд хүний эрхийг хамгаалах эрх зүйн орчныг бий болгох зорилгоор Хятад улс 02-р сарын 01-нээс "Шууд дамжуулалтын цахим худалдааны хяналт ба удирдлагын арга хэмжээ"-г хэрэгжүүлж эхлэх болсон байна.

Технологийн дэвшил, эрхийн хамгаалалт нь харилцан зөрчилдөх ёсгүй, харин ч бие биенээ бэхжүүлэх ёстой. Цахим орчинд хүн бүр хувийн мэдээллээ хамгаалан,  хууль ёсны эрх, ашиг сонирхлоо хамгаалцгаая.