Гуравдугаар сарын 2-ны байдлаар Хятадын төмөр замын систем нь цагаан сарын баярын аяллын үеэр нийт 407 сая зорчигч тээвэрлэсэн талаар Хятадын Үндэсний Төмөр Замын Группийн ХХК мэдээллээ. Үүнээс гуравдугаар сарын 02-нд үндэсний төмөр замын систем 13 сая 208 мянган зорчигч тээвэрлэж, тээвэрлэлт аюулгүй, жигд, эмх цэгцтэй явагдсан байна. 03-нд Хятад улсын төмөр замын систем 743 зорчигч тээврийн галт тэрэг нэмж ажиллуулахаар төлөвлөж байна.
Энэ өдөр Дэнлүүний баяр тохиож буйтай холбоотойгоор орон нутгийн төмөр замын байгууллагууд богино болон дунд зайн маршрутын үйлчилгээгээ нэмэгдүүлж байгаа бөгөөд баярын уур амьсгалаар дүүрэн соёлын арга хэмжээнүүдийг зохион байгуулж байна.
Хятадын Төмөр Замын Корпорацын Хөххотын төмөр замын газар D1015 галт тэргэнд уламжлалт Дэнлүүний баярын тухай танилцуулан, дэнлүүний оньсого таах, өлзийт боов хийх, уран сайхны тоглолт үзүүлэх зэрэг Дэнлүүний баярын тусгай арга хэмжээ зохион байгууллаа.
