Хятадын Үндэсний мэдээллийн шинжлэх ухаан, технологийн товчоо 06-р сарын 08-нд "Дижитал Хятадын хөгжлийн тайлан (2025)"-г нийтэлжээ. Тус тайланд 2025 онд Дижитал Хятадын бүтээн байгуулалтын чухал ахиц дэвшил, ололт амжилтыг хөгжлийн үндэс суурь, боломжит нөлөө, хөгжлийн орчин гэсэн гурван талаас нь системтэйгээр нэгтгэн дүгнэж, 2026 оны Дижитал Хятадын хөгжлийн нөхцөл байдал, хэтийн төлөвийг урьдчилан харуулсан байна.
Тус тайланд 2025 оны эцэс Хятадын ашиглагдаж буй тооцоолох хүчний байгууламжийн тоо 13.73 сая стандарт тавиураас давж, 10,000 карттай 42 ухаалаг тооцоолох кластер байгуулагдаж, ухаалаг тооцоолох хүчин чадлын цар хүрээ 1.59 сая PFlops (FP16)-д хүрч, дэлхийн хоёрдугаарт бичигджээ.
2025 оны эцэс гэхэд Хятад улсын интернэт хэрэглэгчдийн тоо 1 тэрбум 125 саяд хүрч, интернэтийн нэвтрэлтийн түвшин 80.1 хувьд хүрсэн. Хиймэл оюун ухааныг ашиглан асуултад хариулах, зураг, видео үүсгэх, амьдралын туслахын үүрэг гүйцэтгэдэг хэрэглэгчдийн тоо тус тус 457 сая, 288 сая, 184 саяд хүрчээ. Хятад улсын янз бүрийн бүлгүүдийн өдөр тутмын амьдралд хиймэл оюун ухаан аажмаар нэвтэрч байгаа бөгөөд залуу, дунд насны хүмүүс болон өндөр боловсролтой хэрэглэгчид гол болж байна. Нийт хиймэл оюун ухааны хэрэглэгчдийн дунд 40-өөс доош насныхан 74.6 хувийг эзэлж байна.
