Уг банштай шөл нь орцны сонголт нарийн, хэлбэр нь үзэмжтэй, мөн амтлаг шинэхэн шөлтэй байдгаараа онцлог юм. Гадаадынхан банштай шөлийг банштай төстэй гэж боддог ч, энэ хоол нь үнэн хэрэгтээ бингийн нэг төрөл юм. Баншнаас ялгаатай нь голдоо хачиртай, жигнэж болгосны дараа хэрэглэдэг. Хийх арга нь нарийн, идэхэд сайхан учраас гадаадын зочдын магтаал талархлыг хүлээдэг хоол юм.
Хийх арга:
Хүйтэн усаар гурилаа зуурч, аль болох нимгэн элдээд дөрвөлжин хэсэг болгож хэрчинэ. 500 гр махан татшинд 1 ширхэг өндөг хийж, бага зэрэг давс, тахианы шөл цуу, элсэн чихэр хийж хутгана. Тухайн хүнийхээ сонирхол таашаалд нийцүүлэн байцаа, чиньцай, жууцай, амтат мөөг зэрэг ногоог жижиглээд, нэг чиглэлд хутгах маягаар жигд хольж өгнө. Хоёр тийш нь жигд татсан гурилны голд татшаа товойлгож 2 талыг нь енбүү хэлбэртэй чимхэж өгнө. Өндөгөө нүдэлж шараад нарийхан хэрчиж, дарсан ногоогоо дөрвөлжин хэрчиж, хавч, шанцай, нунтагласан халуун чинжүү тахианы шөл болон давсаа аяганд хийж бэлдэнэ. Тогоондоо ус хийж буцалгасны дараа чимхсэн баншаа хийж буцалсны дараа хэсэг чанаж дээрээс нь аяганд үлдсэн амтлагчаа хийж бэлэн болгоно.
