Гадаад валютын ерөнхий газраас саяхан мэдээлснээр: Хоёрдугаар сард банкууд 157.9 тэрбум ам.долларын төлбөр тооцоо хийж, 168.3 тэрбум ам.долларын гадаад валютын борлуулалт хийжээ. Банкууд харилцагчдынхаа нэрийн өмнөөс гадаадтай холбоотой 586.6 тэрбум ам.долларын орлого авч, 557.6 тэрбум ам.долларын гадаад төлбөр тооцоо хийсэн байна.

Гадаад валютын ерөнхий газрын  дэд дарга бөгөөд хэвлэлийн төлөөлөгч Ли Бинь хэлэхдээ: Валютын зах зээл хоёрдугаар сард хэвийн ажиллаж, хил дамнасан хөрөнгийн цэвэр урсгалтай байлаа. 2-р сард ААН, иргэд зэрэг банкнаас бусад салбаруудын хил дамнасан төлбөрийн тэнцэл 29 тэрбум ам.долларын ашиг олсон гэжээ. 

Эх сурвалжаас үзвэл, нэгдүгээрт, Хятад улсын гадаад худалдаа тогтвортой хөгжиж, бараа бүтээгдэхүүний худалдааны хүрээнд хил дамнасан хөрөнгийн цэвэр урсгал 64.8 тэрбум ам.долларт хүрч, өмнөх жилүүдээс харьцангуй өндөр түвшинд байсаар байна. Хоёрдугаарт, дотоодын эдийн засгийн сэргэлт, технологийн хөгжил нь зах зээлийн итгэлийг нэмэгдүүлсэн байна. Хоёрдугаар сард гадаадын хөрөнгө оруулалт дотоодын бонд болон хувьцааны цэвэр нөөцөө нийт 12.7 тэрбум ам.доллараар нэмэгдүүлжээ. Гуравдугаарт, үйлчилгээний худалдаа, хөрөнгө оруулалтын орлогоос гадагшлах хөрөнгийн урсгал улирлын хамгийн бага түвшинд байна. 2-р сард банкуудын гадаад валютын төлбөр тооцоо, борлуулалтын зөрүү үндсэндээ тэнцвэртэй байх хандлагатай байгаа бөгөөд аж ахуйн нэгж, иргэдийн гадаад валют худалдан авах хүсэл эрмэлзэл, гүйлгээний үзүүлэлтүүд мэдэгдэхүйц буурч, дотоод валютын эрэлт, нийлүүлэлт ерөнхийдөө тэнцвэртэй байна.