Өнөөдөр буюу 01-р сарын 07-ны өдрийн 04:00 цагт Хятад улс Шичангийн хиймэл дагуул хөөргөх төвд "Чанжэн 3В" зөөгч пуужинг ашиглан "Шижянь-25" хиймэл дагуулыг амжилттай хөөргөж, урьдчилан товлосон тойрог замд нь амжилттай оруулж, хөөргөх ажиллагаа бүрэн дүүрэн амжилттай боллоо.

“Шижянь-25” хиймэл дагуулыг голчлон хиймэл дагуулын түлш цэнэглэх, ашиглалтын хугацааг уртасгах техникийн баталгаажуулалтад ашиглах юм.

Энэхүү үүрэг даалгавар нь Чанжэн цуврал зөөгч пуужингийн 555 дахь нислэг юм.