Сэтгүүлч Бээжингийн хилийн шалган нэвтрүүлэх станцаас ойлгосноор: 2024 онд Бээжингийн боомтоор орж гарсан хүний  тоо 18 саяас давж, 18 сая 270 мянгад хүрч, 110 мянга гаруй оролт, гарцын нислэг үйлдсэн нь өнгөрсөн оны мөн үеийнхээс 90 хувь ба 76 хувиар тус тус нэмэгджээ. Үүнээс 4.84 сая гадаадын иргэн жилийн турш Хятад улсад орж, гарсан нь өмнөх оны мөн үеэс ойролцоогоор 125 хувиар өссөн байна.

Мэдээллийн дагуу, 2024 оны 12-р сарын 31-ний байдлаар Бээжингийн боомт нийт 920 мянган гадаадын иргэнд визгүй нэвтрэх эрх олгож, нэвтрэх нөхцөлийг хангасан гадаадын 64 мянган зорчигчид 144 цаг ба 240 цагийн түр нэвтрэх зөвшөөрөл олгосон нь 2023 оны мөн үеэс 4.9 дахин ба 2.2 дахинаар нэмэгджээ.

Үүнээс 1.91 сая орчим гадаадын иргэн Нийслэлийн олон улсын нисэх буудлын боомтоор нэвтэрч, 710 мянган гадаадын иргэн визгүй нэвтэрсэн байна. Дашин олон улсын нисэх онгоцны буудлын боомтоор 560 мянга гаруй гадаадын иргэн нэвтэрч, 210 мянган иргэн Хятад улсад визгүй нэвтэрчээ.