Арьсны Өвчин Судлалын Үндэсний төвийн сургалт, эрдэм шинжилгээ эрхэлсэн дэд захирал, АУ-ны магистрант, эмч О.Баярмаатай ярилцсанаа хүргэж байна. 

 

-Өвлийн улирал өөрөө маш ширүүн хүйтэн уур амьсгалтай байдаг. Харин ихэнх монгол эмэгтэйчүүдийн маань арьсны онцлог их хуурай, мэдрэмтгий. Өвлийн хуурай уур амьсгал, мөн арьсны өөрийн онцлогоос хамаараад дандаа чийгшүүлэгч бүтээгдэхүүн түрхэх шаардлагатай.  

 

-Энэ бүтээгдэхүүнийг хувь хүн өөрийн сонголтоор хэрэглэж болно. Чийгшүүлэгч бүтээгдэхүүн гэдэг маань заавал крем биш,  крем гэдэг бол өөрөө их тосон суурьтай. Ази арьстай хүмүүс дунд тослог арьстай хүн цөөнгүй байдаг. Ийм тослог арьстай хүмүүс бол чийгшүүлэгчийн оронд крем түрхээд байх юм бол эсрэгээрээ батга, сэвх үүсэх нөхцлийг бүрдүүлж өгдөг. Тиймээс бүтээгдэхүүн сонгохдоо мэдэхгүй тохиолдолд заавал  мэргэжлийн гоо сайханч, арьсны мэргэжилтнээс зөвлөгөө авах хэрэгтэй.

 

-Гарны арьсыг мөн л яг ижилхэн арчилна. Тос түрхэнэ, хамгаалах тос түрхэнэ, мөн бээлий өмсөх хэрэгтэй. 

 

-Шинэхэн цас орсон өглөө гэрээсээ гарахдаа нүүрэндээ нарнаас хамгаалах тос заавал түрхэж байх хэрэгтэй.  Яагаад гэхээр, нарны шууд туяа маань цасан дээр ойгоод, нүүрэн дээр илүүгээр туяа ойдогтой холбоотой. 

 

-Арьсыг 7 хоногт 1-2 удаа гуужуулах шаардлагатай. Гуужуулсны дараа арьс өөрөө мэдрэг болох учраас дараагийн өдрөөс авахуулаад нарнаас хамгаалах тос түрхэх хэрэгтэй. Мөн маскийг байнга буюу 7 хоногт 2-3 удаа хэрэглэнэ.

 

-Батган дээр өвөл, зун гэж ялгах шаардлага байхгүй. Энэ арьс нь өөрөө их эмзэгшсэн, хуурай болчихсон байдаг. Гэтэл зарим гоо сайханч батгатай арьсанд хуурайшуулах бүтээгдэхүүнийг зөвлөдөг. Батганы үед арьс өөрөө их эмзэг болчихсон байдаг, тэгтэл энэ үед хуурайшуулах бүтээгдэхүүнийг хэт их хэмжээгээр хэрэглэх юм бол арьс маань өөрөө зохиомлоор хуурайшаад, сүүлдээ эмчилгээний бүтээгдэхүүнээсээ эргээд харших магадлал өндөрсдөг. Тиймээс өвөл зун гэлтгүй батгатай арьсанд хатаах бүтээгдэхүүнийг хэрэглэхийн хажуугаар чийгшүүлэх бүтээгдэхүүнийг маш сайн түрхэх шаардлагатай. 

 

- 12-р сард охид бүсгүйчүүд маань шинэ жилийн үдэшлэгт ихээр оролцдог. Үүнтэй холбоотой маш их будалт хийдэг. Будалт гэдэг маань өөрөө арьсыг хамгаалдаг боловч, эргээд гэмтээж байдаг. Тиймээс будалтыг мэргэжлийн хүнээр хийлгэх ёстой. Мөн гадуур их ажилтай явдаг хүмүүс арьсаа хэт хуурайшихаас сэргийлэх, бас нүүрэн дээр байрлах жижиг хялгасан судаснуудыг гэмтэхээс хамгаалж байх хэрэгтэй. Энэ эрс тэс хуурай, ширүүн уур амьсгалтай улиралд арьсандаа хамгаалалтын тос, чийгшүүлэгч бүтээгдэхүүн мөн нарны тосыг заавал хэрэглэж байгаарай гэж бүсгүйчүүддээ захья.