"Юу хийх тухай тодорхой бод дараа нь юуг заавал хийх ёстой нь мэдэгдэнэ, юуг заавал хийх ёстойг мэдсэний дараа юуг хийх ёсгүйг ойлгоно. Бизнес эхлүүлсэн үйл явц дунд, 4,5 жилийн дотор би маш олон сонголт болон боломжтой таарч, ямартай ч компани байгуулсандаа итгэсэн. Сонголт болон суралцах боломж бүрийн үйл явц дунд, эхний өдрийн чи юу эсвэл биш үү, яг л анхны хайр адил, бизнесээ эхэлж байсан эхний өдрийнхээ мөрөөдлийг санах нь маш чухал. Зарчмын өмнө, чи тууштай байж чадах уу? үгүй юу? Зөрчлийн өмнө чи тууштай зарчимтай байж чадах уу? үгүй юу?
Дарамтын өмнө чи тууштай зарчимтай байж чадах уу? үгүй юу? Эцэст нь юу хийхийг, заавал юу хийх ёстойг мэдсэний дараа өөртөө дахин би хэр хугацаанд хийж чадах, би хэр хугацаанд бодож чадах, энэ ажил лавтай хэр хугацаанд хийгдэх ёстой тэр хугацаанд л хийнэ гэж өөртөө хэл" - Хятадын АЛИБАБА компанийн үндэслэгч МА ЮНЬ
Ма Юнь 1988 онд 24 настайдаа Ханжөү хотын Багшийн дээд сургуулийг төгсч Ханжөүгийн Электрон Үйлдвэрлэлийн дээд сургуульд багшлах болов. Ханжөүгийн Багшийн дээд сургуулийг тэр жил төгссөн 500 гаруй төгсөгчдөөс зөвхөн Ма Юнь бакалавр зэрэгтэй ч гэлээ дээд сургуульд багшлах эрхээ авчээ. Хятадад гарсан өөрчлөлт шинэчлэлт эхлээд 10 гаруй жил өнгөрч байсан энэ үед бүх хүн л мөнгө олохын төлөө ажиллаж байв. Ханжөү Багшийн дээд сургуулийн эрхлэгч Ма Юньтэй таван жилийн гэрээ байгуулж, энэ таван жилийн хугацаанд ажлаас чөлөөлөгдөхгүй байхыг хүсэв. Ма Юнь багшийнхаа итгэлийг алдахгүйг хичээж, түүний хүсэлтийг хүлээн авсан байна. Тэрээр англи хэл болон олон улсын худалдааны багш хийж байв. 2004 онд Ма Юнь төрөлх сургуульдаа эргэн очиж оюутнуудад лекц уншихдаа доорх санааг онцлон дурджээ.
“Олон хүн бизнес эрхлэхийг мөнгө олохын тулд гэж боддог, харин би бол АЛИ БА БА-г байгуулсан нь мөнгө олохын төлөө биш би хойшид оюутнуудад хичээл заах туршлагатай болохыг хүссэн. Дээд сургуульд багшилж байхдаа маш олон зүйлийг суралцсан, би багшлах дуртай. Гэвч Хятадын эдийн засгийн хөгжлийн хурдыг харахад, ахиад 20 жилийн дараа, Ма Юнь би үргэлжлүүлэн танхимд хичээл заагаад зогсож чадах уу? үгүй юу? Яагаад гэвэл их сургуулийн оюутан сурах бичгээс гадна нийгмийн амьдралаас суралцдаг. Би амжилттай ч, амжилтгүй ч ирээдүйд би эргэн хичээлийн танхимдаа очих үед, их ч бага ч Их сургуулийн багш нараас илүү туршлагатай байх болно”
Эдгээр он жилүүдэд англи хэлний клубийг ажиллуулж, орчуулга хийж байсан нь хүмүүст хүрч эхлэв. Хятадын эдийн засгийн хөгжил үсрэнгүй хөгжиж, Ханжөү төдийгүй Хятад даяар англи хэл, олон улсын худалдааны чиглэлээр мэдлэгтэй хүний хэрэгцээ нэмэгдэв. Ханжөүд гадаад худалдаа эрхлэгч орон нутгийн бизнесменүүд олширч, орчуулгын хэрэгцээ их гарч, захирлууд орчуулга хийлгэхийн тулд Ма Юньд ханддаг байв.
Орчуулга хийдэг байхдаа Ма Юнь маш олон хамт ажиллагсад нь тэтгэвэрт гараад гэртээ суудаг болохыг анзаарав. 1992 онд ажлын хамтрагчидтайгаа нийлэн “HOPE” нэртэй орчуулгын төв нээжээ. Орчуулгын төв зарлагаа нөхөж чадахгүй байсан учраас тэрээр орлогын өөр эх үүсвэр хайв. Эцэст нь бэлэг дурсгалын зүйл болон цэцэг зарж мөнгө олж болохыг мэдлээ. Орчуулгаа ч хийж, цэцэг, бэлэг дурсгалын зүйлээ ч зарав. 1995 онд орчуулгын төв хөл дээрээ босож Ма Юнь багшийн ажлаасаа гарав. Өнөөдөр “HOPE” орчуулгын төв Ханжөүгийн хамгийн том орчуулгын төв болсон билээ.
1995 онд Ханжөү хурдны замаа засуулах болж Ханжөүгийн удирдлага Ма Юнь-ийг төлөөний хүмүүстэй хамт Америк уруу явуулав. Ма Юнь орчуулга, гэрээний ажил хийх үүрэгтэй явсан ч Америкийн талын компани худал хэлснийг мэджээ. Хятад уруу буцах гээд билет аваад онгоцны буудал дээр зогсож байхдаа гэнэт эргэлзэж Америкт ирчхээд ийм амархан шантраад буцаж болохгүй гэж бодогдов. Хамт ажилладаг хүнийх нь хүргэн Америкийн Сиаттлд интернетийн компанитай гэрээ байгуулж байгаа гэдгийг санав. Тэр Сиаттлд ажлын газрын хүнийхээ хүргэн Сеймтэй VBN компани дээр нь уулзаж, өөрийн нүдээр интернет ертөнцтэй танилцав. Ма Юнь хүмүүс интернетээр дамжуулан маш олон мэдээллийг олж авах боломжтойг мэдсэн ч интернет дээр Хятадын худалдааны төв гэхээр хов хоосон байв. Ма Юнь Сеймд Хятадын сайт хийх хүсэлтэй байгааг хэлж, Сейм “HOPE” орчуулгын төвийн вэб сайтыг хийж өгөв. Энэ сайтыг хийсэн эхний өдөр өөр өөр орны 5 хүн ханджээ. Хүмүүс энэ сайтыг их дуртай хүлээн авав. Яагаад гэвэл “HOPE” орчуулгын төвийн вэб хуудас нь Хятадын анхны сайт юм. Буцаж ирэхдээ Ма Юнь 486 ширхэг компьютер авчирсан бөгөөд ирснийхээ дараа 24 ойрын найздаа бизнесийн санаагаа хэлэхэд 1 нь л оролдоод үз гэж хэлжээ.
1995 оны 5-р сарын 09-ний өдөр Хятадын анхны худалдааны вэб сайт “Хятадын шар хуудас”-ийг бүтээв. Америкийн VBN-тэйбайгуулсан гэрээний дагуу “Хятадын шар хуудас” дотоодын бизнесүүдийн мэдээллийг тавих байв. “HOPE” бизнесийн материалуудыг орчуулан сайтад байрлуулах, Америкийн тал ч томоохон хариуцлага хүлээж байсан ч тухайн үед Хятадад интернет сайн түгэн дэлгэрээгүй болохоор хүмүүс барагтай л итгэж өгөхгүй байв.
1997 онд Ма Юньд Хятадын Интернэт худалдааны төвийн ерөнхий захирал мөн Хятадын Yahoo-гийн захирлаар ажиллах санал ирсэн ч тэрээр өөрийн шинэ бизнесээ эхлүүлэхийг хүсжээ. Үүний дараагаар 1999 онд төрөлх Ханжөүдөө эргэн ирж, нөхдийнхөө хамтаар АЛИ БА БА компанийг байгуулсан ба яг байгуулж байхдаа тэд дэлхийд аравт орох интернетийн компанийг байгуулах зорилготой болохоор дэлхий даяар мэдэх нэр өгөх хэрэгтэй болжээ. Нэг өдөр Ма Юнь томилолтоор явж байгаад гудамжинд АЛИ БА БА гэдэг нэрийг хараад их сонирхолтой санагдав. Сүүлд нь кофе авчирч өгсөн үйлчлэгчээс АЛИ БА БА нэрний тухай асуухад “open sesarr-e” \сэм сэм онгой\ гэж тайлбарлаж өгчээ. Дараа нь гудманд таарсан 60 гаруй өөр өөр улсын иргэдээс асуухад бүгд нэг хариултыг өгч байв. 1999 оны 10 сар гэхэд АЛИ БА БА компанийн англи сайтын хэрэглэгч 10000 болж, нэвтэрч орсон нь 20000 болсон байлаа.
2003 оны 04 сарын 14нд Ма Юнь Таобао интернет худалдааг эхлүүлсэн нь АЛИ БА БА компанийн үйл ажиллагааг улам өргөжүүлж, дэлхийд тэргүүлэгчдийн эгнээнд авчирсан юм. Таобао гэдэг энэ нэрийг АЛИ БА БА компанийн нэг ажилтан өгсөн ба 2013 оны байдлаар 800 мянга давсан идэвхтэй бараа бүтээгдэхүүн худалдагчтай, 2 сая 5000 мянга давсан худалдан авагчтай, Хятадын зах зээлийн 80 илүү хувийг эзэлсэн тоо гарчээ.
