НҮБ-ын Худалдаа хөгжлийн бага хурал сүүлийн өдөр тайлан нийтэлж, 2024 онд дэлхийн худалдааны хэмжээ 33 их наяд ам.долларт хүрч, 2023 оныхоос 3.7 хувиар нэмэгдэн шинэ дээд цэгтээ хүрсэн ч 2024 оны сүүлийн хагаст худалдааны өсөлтийн хурд саарсан тухай нийтлсэн байна.

Уг тайланд 2024 онд дэлхийн худалдааны өсөлтийг үйлчилгээний салбар эерэгээр нөлөөлсөн гэж тэмдэглэжээ. Үйлчилгээний салбар өнгөрсөн онд 9 хувиар өссөн нь нийт өсөлтийн бараг 60 хувийг бүрдүүлсэн бол барааны худалдаа 2 хувиар өссөн байна. 2024 онд хөгжиж буй орнуудын худалдааны өсөлт хөгжингүй орнуудынхаас давж, хөгжиж буй орнуудын импорт, экспорт бүтэн жилийн хугацаанд 4 хувиар, 4-р улиралд 2 хувиар өссөн байна. Дөрөвдүгээр улиралд Хятад, Энэтхэгийн худалдааны өсөлт эрчимтэй нэмэгдэв. Үүний зэрэгцээ хөгжингүй орнуудын худалдаа зогсонги байдалд орж, импорт, экспортын өсөлт удаан байж, дөрөвдүгээр улиралд хоёр хувиар буурсан байна.