ХКН-ын Төв Хорооны Улс төрийн товчооны гишүүн, Гадаад харилцааны сайд Ван И 12-р сарын 17-ны өдөр Ази дахь хамтын ажиллагаа, итгэлцлийг бэхжүүлэх бага хурлын Гадаад харилцааны сайд нарын 7-р хуралдаанд видео холболтоор оролцов.
Ван И:
- Хятад улс АХАИББХ-ыг үүсгэн байгуулагч гишүүн орны хувьд АХАИББХ-ын үйл явцад идэвхтэй оролцож, АХАИББХ-ын хөгжлийг үргэлж дэмжсээр ирсэн бөгөөд түүнийг хөгжүүлэхэд дэмжлэг үзүүлсээр байх болно. Аюулгүй байдлыг хангах, хөгжлийг ахиулах, хамтын ажиллагааг эрэлхийлж, харилцан ашигтай үр дүнд хүрэхийг эрэлхийлэх нь улс орнуудын дийлэнх нэн яаралтай хүсэл эрмэлзэл юм.АХАИББХ энэ тал дээр онцгой үүрэг гүйцэтгэж, Азийн хувь заяаны хамтын цогцыг байгуулж, хамтдаа ялалт байгуулах шинэ орон зайг өргөжүүлж чадна.Нэгдүгээрт, энх тайвнаар зэрэгцэн оршихыг баримталж, хамтын аюулгүй байдлыг эрэлхийлнэ.Хоёр дахь нь “Бүс ба зам”-ыг хамтран байгуулж, хөгжил дэвшлийг ахиулна.Гурав дахь нь олон янзын соёл иргэншлийг хүндэтгэж, солилцоо, харилцан суралцахыг дэмжих явдал юм.Дөрөвдүгээрт,олон талт үзлийг хэрэгжүүлж, хамтдаа бүтээн байгуулах ажлыг эрчимжүүлнэ гэж хэллээ.
Ван И мөн:
- Хятад маягийн орчин үеийн шинэчлэл бол энх тайван хөгжлийн замаар замнах, Азийн орнуудад илүү их боломжийг авчрах орчин үеийн шинэчлэл болох юм.Хятад улс АХАИББХ-ын гишүүн орнуудтай эв нэгдэл, хамтын ажиллагаагаа тууштай баримталж, хамтдаа ялалт байгуулсан Азийн соёл иргэншлийн шинэ хэлбэрийг бий болгоход бэлэн байна гэж хэлэв.
Казахстаны Шадар сайд бөгөөд ГХЯ-ны сайд Нуртреу АХАИББХ-г хоёр жилийн ээлжээр даргалж буй ажлын талаар танилцуулж,АХАИББХ-ын шинэ дарга Азербайжаны Гадаад харилцааны сайд Байрамов АХАИББХ-ын дараагийн алхамд анхаарах гол асуудлын талаар мэдээлэл хийлээ.АХАИББХ-ын гишүүн орнууд нэгдэж,бие биедээ итгэж, стратегийн зохицуулалтаа гүнзгийрүүлж,АХАИББХ-ийн хүчирхэг, боловсронгуй механизмыг бүрдүүлж, тус байгууллагын нөлөөг өргөжүүлж, дэлхийн өмнөдтэй гар нийлэн хамтран ажиллах ёстой гэж талууд үзсэн байна.Бүх талууд "Бүс ба Зам" санаачилга болон дэлхийн аюулгүй байдлын санаачилгыг хэрхэн уялдуулах, бүс нутгийн харилцаа холбоог дэмжих, улс орнуудын харилцан ойлголцлыг нэмэгдүүлэх талаар ярилцах болно.
