Бидний нүдэнд үл үзэгдэл буруу зуршил хүүхдүүдийг минь ямагт дагаж байдгийг сануулъя. Үүнд:

Ялангуяа анх сургуульд ороод олон цагаар суун хичээл хийх үед их ажиглагддаг. Бөгтийж , мурийж, хөлөө ачиж суух нь хүүхдийн тань ирээдүйд ямар хол хөнөөлтэйг та мэдэж байгаа. Нуруу нь өвдөхөөс авахуулаад тоочоод баршгүй шүү дээ. Ийм зүйлийг тоолгүй орхиж болохгүй шүү. Өнөөдрөөс хүүхдийнхээ сууж байгааг анзаараад, буруу байвал заавал зөв суулгаж сургаарай. 

 

Одооноос нөхөрлөж буй хүмүүсийг нь сайн таньж  мэдээрэй. Ядаж л хүнийг яаж таньж мэдэх вэ гээд л өөрийнхөө амьдралын туршлагаас багахан ч гэсэн хуваалцаарай. 

 

Миний нэг таньдаг хүний хүүхэд оройдоо IPAD тоглож байж унтдаг. Тоглуулахгүй, эсвэл нуучихвал гаргаж өгтөл нь уйлна, юм идэхгүй, үгэнд нь орохгүй эсэргүүцэл зарлана гээд бод доо. Таны хүүхэд ч гэсэн ийм болчихвол яана?? Одооноос арга хэмжээ аваарай.

Юу үнэ цэнэтэй вэ, амьдралд хамгийн чухал зүйл юу вэ гэдгийг сайн зааж зөвлөж байх хэрэгтэй. Та үүнд анхаарахгүй л бол хүүхэд тань амьдралдаа алдаж ч мэдэх юм шүү.

 

Өдрийн хоолны мөнгө өгөөд ямар ямар зүйл хэдэн төгрөгөөр авч байгааг нь бичүүлэн мөнгөө хэрхэн үрж байгааг нь хянах хэрэгтэй. Мөн хувцас авна гээд дэлгүүрээр явахад нь өөрт нь мөнгө өгөөд  явуулвал зүгээр. Учир нь мөнгөтэй харьцаж сурна шүү дээ. Авах гэж байгаа юмных нь мөнгийг тулгаад эсвэл арай багыг өгөөрэй. Хүүхдэд тань тэр зүйл үнэхээр чухал хэрэгтэй бол өөр газраас ч хамаагүй арай хямдыг олоод л авна. Гэхдээ хүүхдээсээ мөнгө харамлаад нарийлаад бай гэсэн үг биш шүү. Энэ бол мөнгийг зарцуулах ухаан шүү дээ.