Орон нутгийн цагаар 2022 оны 07-р сарын 07-нд Хятад улсын Төрийн зөвлөлийн гишүүн бөгөөд ГХЯ-ны сайд Ван И Бали аралд болж буй "Их 20"-ийн бүлгийн Гадаад хэргийн сайд нарын уулзалтын хугацаанд Европын холбооны гадаад харилцаа, аюулгүй байдлын бодлогын дээд төлөөлөгч Борреллтэй уулзав.

 Боррел хэлэхдээ:

-ЕХ нь стратегийн тусгаар тогтнолыг баримталж, ЕХ, Хятадын хамтын ашиг сонирхол санал зөрөлдөөнөөсөө хавьгүй илүү байна гэж ямагт итгэдэг бөгөөд нэг Хятадын бодлогыг тууштай баримталан, Хятад улстай илүү стратегийн зохицуулалт, хамтын ажиллагаа өрнүүлэхэд бэлэн байна. ОХУ, Украины хооронд болж буй өнөөгийн мөргөлдөөн ноцтой бөгөөд сөрөг нөлөө үзүүлж байгаад ЕХ гүнээ санаа зовниж, илүү их хямралаас урьдчилан сэргийлэхийн тулд дайныг зогсоохыг уриалж, Хятад улс энх тайвныг тогтооход чухал үүрэг гүйцэтгэнэ гэдэгт найдаж байна. Үүний зэрэгцээ талууд мөргөлдөөний үндсэн шалтгааныг гүн гүнзгий тунгаан бодож, үндсэн шийдлийг олох ёстой.

 Ван И хэлэхдээ: 

-Хятад, Европын холбоо дэлхийн олон туйлшралын үйл явцын хоёр том хүчин болохын хувьд иж бүрэн стратегийн түншийн харилцааны үндсэн байр суурийг баримталж, яриа хэлэлцээ, харилцааны эерэг эрч хүчийг хадгалах ёстой. Хүнд, ээдрээтэй сорилтуудын өмнө Хятад, ЕХ хоёр тал санал зөрөлдөөнөө хадгалж, нийтлэг ойлголтыг эрэлхийлэн, нийтлэг ойлголтод хүрч, санал зөрөлдөөнөө зохицуулан, харилцан ашигтай, хамтдаа хожих үр дүнг баримталж, жинхэнэ олон талт үзлийг баримталан, эдийн засгийн объектив хуулиудыг зөрчих, гинжийг таслах, салгах үйлдлийг эсэргүүцнэ. Хятадын тал Европын талтай хамтран ажиллаж, НҮБ-тай хамт олон улсын тогтолцоо, олон улсын хуулийн дагуу олон улсын дэг журмыг хамгаалахад бэлэн байна.

 Украйны асуудлаар Ван И хэлэхдээ: -Бүх талууд мөргөлдөөний үндсэн шалтгааныг нухацтай тунгаан бодож, бүх талуудын үндэслэлтэй санаа зовоосон асуудлыг зөв шийдвэрлэн, дайны далд аюулыг үндсэнд нь арилгах ёстой. Ши Жиньпин дарга "Дөрвөн баримтлал"-ын талаарх Хятад улсын байр суурийг иж бүрэн бөгөөд тодорхой илэрхийлсэн нь бат бөх энх тайван, аюулгүй байдлын төлөө чармайх чухал удирдамж болсон юм. Хятад улс өнөөг хүртэл хийсэн бүх хүчин чармайлтыг энх тайвныг ятгаж, яриа хэлэлцээг ахиулсантай холбон үзэж болно, бид бодитой, шударга байр суурийг баримталан, бүтээлч үүрэг гүйцэтгэх болно. Хятадын тал ЕХ-ны талын стратегийн бие даасан байдлаа тууштай баримтлахыг дэмжиж, ЕХ-ны тал идэвхтэй үүрэг гүйцэтгэж, зохицуулалт хийн, бодитой, хэрэгжих боломжтой шийдлийг санал болгохыг дэмжиж байна.