Хонконгийн Алтан Баухиниа талбай
Гэрэл зургийг: Синьхуа агентлагийн сурвалжлагч Ү ШЯОЧҮ
Азийн No1 санхүүгийн төв, дэлхийн хамгийн урт наслалттай бүс нутгийн нэг болох Хонконг 25 жилийн өмнө эх орондоо эргэн ирснээсээ хойш цэцэглэн хөгжиж, "Нэг улс хоёр систем"-ийг дэлхий дахинд нотлон харууллаа. Энэ бол Хонконгийн урт хугацааны хөгжил цэцэглэлт, тогтвортой байдлыг хангах шилдэг систем юм.
Хорин таван жилийн нүд гялбам амжилт
- Өнгөрсөн 25 жилийн хугацааны хөгжлийн явцад олон сорилттой тулгарсан бөгөөд үүнийг ялан туулж, Хонконгт хэрэгжсэн "Нэг улс, хоёр систем"-ийн практик дэлхий нийтээр хүлээн зөвшөөрөгдсөн амжилтад хүрсэн гэж дарга Ши Жиньпин Хонконгийн засаг захиргааны онцгой бүсийн зургаа дахь гүйцэтгэх захирал Ли Жяачаотай уулзахдаа онцолсон байна.
Эдийн засгийн хөгжил нь чухал хэмжүүр болжээ. Хонконгийн Дотоодын Нийт Бүтээгдэхүүн 1997 онд 1.37 их наяд Хонконг доллар байсан бол 2021 онд 2.86 их наяд Хонконг доллар болж өссөн. Хүн нэг бүрт ноогдох дундаж орлого Хонконг эх орондоо буцаж ирэхээс өмнөх 192 мянган Хонконг доллар байснаас 2021 он гэхэд 387.1 Хонконг доллар болон нэмэгдсэн. Төсвийн нөөц 1997-1998 онд 457.5 тэрбум Хонконг доллар байснаас 2021-2022 онд 952 тэрбум Хонконг доллар болж өссөн.
Хонконгчууд хөгжлийн тухай гүн сэтгэгдэлтэй. Жан Тяньшэн бол Хонконгийн анхан үеийн брокер бөгөөд 1958 онд энэ салбарт ажиллаж, Хонконгийн хөрөнгийн зах зээл үүссэнээс эхлээд түүний хүчирхэгжсэн бүхий л үйл явцыг биеэрээ туулж өнгөрүүлсэн. - Би энэ салбарт орж ирэхдээ Хонконгийн хөрөнгийн зах зээл ийм хэмжээнд хөгжинө гэж хэзээ ч бодож байгаагүй гэж тэрээр хэлж байлаа.
Хонконгийн спот хөрөнгийн зах зээлийн нийт зах зээлийн үнэлгээ 2000 оны эцэст 4.86 их наяд Хонконг доллар байсан бол 2022 оны 06-р сарын 17-нд 37.60 их наяд Хонконг доллар болтлоо өссөн байна. HKEX-ийн орлого сүүлийн 20 жилийн хугацаанд ес дахин өссөн байна.
Америкийн Жеймс Томпсон 1978 онд корпорацын төв байраа Японоос Хонконг руу нүүлгэсэн. Тэр эндээс явах тухай хэзээ ч бодож байгаагүй гэдгээ хэлсэн юм. Мөн:
- Хонконг эх орондоо буцан ирснээс хойших 25 жилийн хугацаанд манай бизнес улам бүр өргөжиж, үйл ажиллагааны чадавх ч олон талаар сайжирсан гэж хэллээ.
Хонконгийн иргэдийн амьдрал ч сайжирч байна. Илүү олон оршин суугчдад эдийн засгийн хөгжлийн үр шимийг хүртэх боломж олгохын тулд Засаг захиргааны онцгой бүсийн засгийн газар халамжийн нийгмийг байгуулж, нийгмийн эмзэг бүлгийг халамжлан, иргэдэд илүү их, илүү сайн үйлчилгээ үзүүлэхийг эрмэлзсээр ирсэн. Статистик мэдээгээр одоогийн Засаг захиргааны онцгой бүсийн засгийн газрын нийгмийн халамжийн байнгын зардал 2017-2018 онд 65.3 тэрбум Хонконг доллар байсан бол 2021-2022 онд 105.7 тэрбум Хонконг доллар болтлоо огцом өсөж, хамгийн их зардал гаргадаг бодлогын салбар болоод байна.
Орон сууцны асуудал нь Хонконгийн нийгмийн хамгийн эмзэг талын нэг бөгөөд нийгмийн бүх давхаргын хүмүүс засаг захиргааны онцгой бүсийн шинэ засгийн газраас иргэдийн санаа зовнилыг арилгах бодит арга хэмжээ авна гэж найдаж байна. Хонконгийн засаг захиргааны онцгой бүсийн засгийн газрын Эдийн засаг, санхүүгийн газрын дарга Чэнь Маобө:
- Бид ажлаа сайн хийх ёстой. Ингэснээр Хонконгийн иргэд хөгжлийн үр шимийг жинхэнэ утгаар нь мэдэрч, хүн бүрийн хувьд ашиг шим, аз жаргал нэмж өгөх болно гэж илэрхийллээ.
Хонконгийн Виктория боомтын барилга
Гэрэл зургийг: Синьхуа агентлагийн сурвалжлагч ЛИ ГАН
Хөгжлийн хэв маяг, дэвшилт
Таван жилийн өмнө Хонконгийн залуу Янь Яаохүй актуарийн тогтвортой ажлаа орхиж, түншүүдтэйгээ технологийн бизнес эрхлэх давалгаанд нэгдэн, Bowtie даатгалын технологийн компани байгуулжээ. 2018 оны эцсээр тус компани Хонконгийн анхны виртуал даатгалын лицензийг авч, Хонконгийн даатгалын салбарт технологийн өөрчлөлт хийх зам мөрийг эрэлхийлэгч болсон байна.
- Уламжлалт салбарын хувьд даатгалын салбар аажмаар технологиос салсан. Бид даатгалын компанийг дахин байгуулахад технологийг ашиглана гэж найдаж байна гэж Ян Яаохүй хэлэв. Хонконг дахь дараагийн нэгэн үеийн "Онцгой" нэгж гэж салбарынхан үнэлдэг энэхүү компани Хонконг дахь хамгийн том дижитал инновацын нийгэмлэгүүдийн нэг болох Киберпортийн үйлдвэрлэгчдийн нэг болжээ.
Технологи, мэдээллийн төсөл боловсруулах саналыг дэвшүүлсэн Киберпортоос эхлээд техник мэргэжлийн экосистемийг харьцангуй бүрэн бүрдүүлсэн шинжлэх ухааны парк байгуулах, техник мэргэжлийн хөгжлийг дэмжих төрийн албадуудыг байгуулах зэрэг нь эдийн засгийн төрөлжилтийг дэмжих Хонконгийн томоохон бүтээн байгуулалтад хүч чадал нэмж өгчээ.
Өнгөрсөн таван жилд засаг захиргааны онцгой бүсийн засгийн газар инновац, технологийн хөгжлийг дэмжих зорилгоор 150 тэрбум гаруй Хонконг долларын хөрөнгө оруулалт хийж, Хонконгийн инновац, технологийн ерөнхий экосистем улам идэвхжжээ. Тэдний дунд гарааны бизнес эрхлэгчдийн тоо 2015 онд 1500 орчим байсан бол 2021 онд 4000 орчим болж, 10 гаруй “Онцгой” компани шинээр мэндэлсэн байна.
InnoHK инновац Хонконг платформ нь Хонконгийг дэлхийн шинжлэх ухааны судалгааны хамтын ажиллагааны төв болгон хөгжүүлэх зорилготой. Шинжлэх ухааны судалгааны хамтын ажиллагаа явуулах зорилгоор олон улсад нэр хүндтэй их дээд сургуулиуд, шинжлэх ухааны судалгааны байгууллагууд хамтран судалгааны лабораториуд байгуулж, 30 шахам судалгааны лабораторийг сонгон оруулжээ.
Соёлын салбар нь Хонконгийн олон талт эдийн засаг руу чиглэсэн алхамд шинэ хүч нэмсэн. Дэлхийн жишигт нийцсэн соёл урлагийн үзэсгэлэн, иргэдийн зугаа цэнгэл, хэрэглээг нэгтгэсэн Барууны болон Жю Лүн соёлын дүүргийн бүтээн байгуулалт 2013 онд анхныхаа эхлэлийг тавьсан. Одоогийн байдлаар Жүжгийн төв, орчин үеийн олон улсын дүрслэх урлагийн музей М+ зэрэг олон объектыг барьж дуусган ашиглалтад оруулаад байна. Мөн хүмүүсийн хүсэн хүлээдэг Хонконгийн хааны ордны соёлын музей энэ оны долоодугаар сард албан ёсоор үзэгчдийн хүртээл болно.
Хонконг - Жүхай - Макаогийн гүүр
Гэрэл зургийг: Синьхуа агентлагийн сурвалжлагч ЧЭНЬ ЕХУА
Үндэсний бүтээн байгуулалттай уялдаж, илүү их амжилт гаргана
Хонконгийн жижиг, дунд үйлдвэрүүдийн холбооны байнгын хүндэт дарга Лю Дабангийн компани барилгын түүхий эдийн худалдаа эрхэлдэг бөгөөд хэдэн жилийн өмнө АСЕАН-ы орнуудад үйлдвэрлэлийн шугам нэмэхээр төлөвлөж байсан ч цар тахлын улмаас түр хугацаагаар зогсоосон.
"АСЕАН-ы орнуудад үйлдвэр байгуулах нь "Ганцаараа тулалдах" гэдэгтэй адил зүйл. Орон нутгийн засаг захиргаа зарим онцгой үйлдвэрүүдэд олон хөнгөлөлттэй бодлого явуулах нь хэцүү байдаг. Худалдааны яам болон Хонконгийн засаг захиргааны онцгой бүсийн засгийн газар хооронд байгуулсан "Хилийн чанад дахь эдийн засаг, худалдааны хамтын ажиллагааны бүсүүдийг өндөр чанартай хөгжүүлэх хамтын ажиллагааны санамж бичиг"-т гарын үсэг зурсны дараа Хонконгийн аж ахуйн нэгжүүд илүү их ашиг хүртэх байх гэж найдаж байна гэж тэрээр ярилаа.
"Бүс ба зам"-ын бүтээн байгуулалт төдийгүй үндэсний "14-р таван жил"-ийн төлөвлөлтийн хөтөлбөр хэрэгжсэнээр Хонконг хөгжлийн түүхэн шинэ боломжуудыг эхлүүлж байна.
2019 оны эхээр зарласан "Гуандүн - Хонконг - Макаогийн их булангийн бүсийг хөгжүүлэх төлөвлөгөө"-нд Хонконгийн нисэх онгоцны буудлын гурав дахь зурвасыг барихад дэмжлэг үзүүлнэ гэж тодорхой заасан. 2021 оны есдүгээр сард тус барилгын ажлыг эхлүүлсэн.
Хонконгийн олон улсын нисэх онгоцны буудлын жилийн зорчигчдын хэмжээ ашиглалтын эхний шатанд 28 сая орчим байсан бол 20 гаруй жилийн хөгжлийн үр дүнд тахлын өмнөх жилийн зорчигчдын тоо 75 сая орчимд хүрч, дэлхийн хамгийн ачаалалтай нисэх онгоцны буудлуудын нэг болжээ.
Хонконгийн олон улсын нисэх онгоцны буудлын хөгжлийг хөдөлгөх хүчин зүйл бол улс орны болон Хонконгийн хөгжил юм. Хонконгийн нисэх онгоцны буудлын удирдах газрын гүйцэтгэх захирал Линв Тяньфү:
-Төрийн дэмжлэг болон Хонконгийн өөрийн давуу талуудын дагуу Хонконгийн Агаарын тээврийн салбар тахлын дараа аажмаар сэргэнэ. Олон улсын агаарын тээврийн төв болсон Хонконгийн олон улсын агаарын тээврийн хөгжилд итгэл дүүрэн байна.
2016 онд 1985 оноос хойш төрсөн үйлдвэрлэгч Линь Хэн-И өмнөд тэнгисийн Шаньжэнь, Хонконгийн хөгжлийн бүсийн залуучуудын мөрөөдлийн паркад охин компаниа байгуулж, завгүй, сэтгэл хангалуун "Хоёр хотын амьдрал"-аа эхлүүлсэн түүхтэй.
- Сүүлийн хэдэн жилийн хугацаанд бидний судалгаа, хөгжүүлэлтийн туршлага, харилцаа холбоо, борлуулалтын зах зээл ихээхэн өргөжин тэлж, ололт амжилт маш сайн байсан нь Хонконгийн нийт компаниудын орлогыг хэд дахин нэмэгдүүлэхэд түлхэц болсон гэж тэрээр хэлж байна.
- Үндэсний "Арван дөрөвдүгээр таван жил"-ийн төлөвлөлт болон Гуандүн-Хонконг-Макаогийн их булангийн бүсийн бүтээн байгуулалт нь Хонконгийн нийгмийн бүх давхаргад хөгжлийн боломжуудыг авчрах болно. Хонконг болон эх газрын ирээдүйн хамтын ажиллагаа зөвхөн уламжлалт үйлдвэрлэл, арилжаа худалдаа,санхүүгийн болон мэргэжлийн үйлчилгээ, шинжлэх ухаан, технологийн шинэчлэл зэрэг байдлаар хязгаарлагдахгүй". БНХАУ-ын Ардын Улс төрийн Зөвлөлдөх Зөвлөгөөний дэд дарга Лян Жэнь-Ин:
- Хонконг "Нэг улс, хоёр систем" зарчмын дагуу "Супер холбоо баригч"үүргээ үргэлжлэн гүйцэтгэж, улс орондоо хувь нэмрээ оруулаад зогсохгүй, өөртөө илүү өргөн хүрээтэй хөгжлийн орон зайг олж авах болно гэж хэллээ.
Шинэ эхлэл, шинэ боломж, шинэ итгэл найдвар нь"Дорнын сувд" хэмээгдсэн Хонконгийн хөгжлийн шинэ аяныг эхлүүлнэ.
