БНХАУ-ын ард түмний халдварт өвчний эсрэг ажлыг дэмжиж Монгол Улсын Ерөнхийлөгч Х.Баттулга Монголын ард түмний нэрийн өмнөөс Хятадын ард түмэнд 30 мянган хонь хандивласан. 

Ерөнхийлөгч Х.Баттулга өнгөрсөн хоёрдугаар сард БНХАУ-д айлчлахдаа 30000 толгой хонь БНХАУ-д хандивлах батламжийг дарга Ши Жиньпинд гардуулан өгсөн билээ.

Тэгвэл БНХАУ-д хандивлах эхний ээлжийн 16000 толгой хонийг Замын-Үүдэд аваачин шинжилгээнд хамруулж эхэлжээ.

Хандивын эхний ээлжийн 16000 толгой хонийг Зам-Үүдэд аваачин 45 хоног тусгаарласан бөгөөд энэ хугацаа удахгүй дуусах юм байна.

Тусгаарлалтын 45 хоногийн хугацаанд хонь нэг бүрийг эрүүл ахуйн шинжилгээнд хамруулж, ариутгал халдваргүйтгэл хийж байгаа аж.
Хонийг БНХАУ-ын хилээр гаргаад дахин тусгаарлах эсэхийг хоёр талын ажлын хэсэг хамтран шийдэх юм байна.
Харин дараагийн ээлжийн 14000 хонийг голчлон зүүн гурван аймгаас бүрдүүлэх ажил үргэлжилж байна.