Хятадын Коммунист Намын Түүхийн үзэсгэлэнгийн танхимд Хятадын радио телевизийн 5G сүлжээний үйлчилгээг эхлүүлэх ёслол 06-р сарын 27-нд болов. Хятадын Коммунист Намын Төв хорооны Улс төрийн товчооны гишүүн, Төв суртал ухуулгын газрын дарга Хуан Күньмин оролцож, Хятадын радио телевизийн 5G сүлжээний үйлчилгээг эхлүүлжээ.
Хятадын радио телевизийн 5G сүлжээг байгуулж байгаа нь дарга Ши Жиньпиний "Ухаалаг радио телевизийн хэвлэл мэдээллийн хэрэгсэл байгуулж, ухаалаг радио телевизийн сүлжээг хөгжүүлэх" чухал зааварчилгааг сайтар хэрэгжүүлэх томоохон арга хэмжээ юм. Радио, телевизийн 5G сүлжээний үйлчилгээг нэвтрүүлсэн нь үндэсний кабелийн телевизийн сүлжээг нэгтгэж, радио, телевизэд 5G бүтээн байгуулалтыг хөгжүүлэхэд шинэ нээлт болж байна. Хятад улсын радио, телевизийн сүлжээ анх "Сүлжээ + 5G" нэгдсэн хөгжлийн шинэ хэв маягийг бүрдүүлжээ.
2019 оны 06-р сард 5G арилжааны тусгай зөвшөөрлийг авснаас хойш Хятадын Радио, Телевизийн Сүлжээ Групп ХХК нь Төв суртал ухуулгын газар, Аж үйлдвэр, мэдээллийн технологийн яам, Төрийн радио, кино, телевизийн захиргаа зэрэг байгууллагуудтай хамтран ажиллаж байна. Телевиз нь 5G сүлжээний интеграцчлалыг ахиулахын тулд China Mobile-тай хамтран бүтээн байгуулалт хийх, хуваалцах, хамтдаа хожих зарчмуудыг баримталж, 5G сүлжээний интеграцчлалыг ахиулах ажлыг хурдасгаж байх мөртөө хэвлэл мэдээлэл, харилцаа холбооны салбарыг дэлхийн хэмжээнд гүнзгий нэгтгэж, хөгжүүлэх ердийн жишээг бий болгож байна. China Telecom, China Unicom, China Tower болон бусад компаниуд радио телевизийн 5G сүлжээг өндөр стандартын төлөвлөлт, өндөр бүтээмжтэй бүтээн байгуулалт, сүлжээний нээлтийн ажиллагааг хангахад тусалж байх юм.
Хятадын радио телевизийн 5G сүлжээний үйлчилгээг нэвтрүүлсний дараагаар дамжуулалтын давуу талыг бүрэн дүүрэн ашиглаж, радио телевизийн хэвлэл мэдээллийн дамжуулах сүлжээ, үндэсний соёлын тусгай сүлжээ болон үндэсний дэд бүтцийн шинэ сүлжээ байгуулах ажлыг түргэтгэж, засгийн газар, иргэний, арилжааны болон үйлдвэрлэлийн зориулалтаар ашиглах, шинэлэг байдлаар хувь хүнд тохирсон, ялгаатай, нарийн үйлчилгээ үзүүлэх болно.
