БНХАУ-ын дарга Ши Жиньпин 06-р сарын 15-ны үдээс хойш ОХУ-ын ерөнхийлөгч Владимир Путинтай утсаар ярилаа.
Ши Жиньпин тэмдэглэхдээ:
- 2022 он гарснаас хойш дэлхий дахины үймээн самуун, өөрчлөлтийн өмнө Хятад Оросын харилцаа хөгжлийн сайн эрчээ хадгалсаар байна. Хоёр орны эдийн засаг, худалдааны хамтын ажиллагаа тогтвортой хөгжиж, Хэйхэ-Благовещенск автозамын гүүрийг зорчуулж, хоёр орны харилцаа холбооны шинэ сувгийг нээжээ. Хятадын тал Оросын талтай хамтаар чармайж, хоёр талын ажил хэрэгч хамтын ажиллагааг тогтвортой, урт хугацаанд хөгжүүлэхэд бэлэн байна. Хятад улс ОХУ-тай язгуур ашиг сонирхол, бүрэн эрхт байдал, аюулгүй байдал зэрэг чухал асуудлаар бие биенээ дэмжихэд бэлэн байна. Хоёр орны стратегийн нягт хамтын ажиллагаа, НҮБ, БРИКС, Шанхайн хамтын ажиллагааны байгууллага болон олон улсын бүс нутгийн бусад чухал байгууллагуудын харилцаа холбоо, зохицуулалтыг бэхжүүлж, Хөгжиж буй зах зээлийн орнууд болон хөгжиж буй орнуудын эв санааны нэгдэл, хамтын ажиллагааг ахиулж, олон улсын дэг журам, дэлхийн засаглалын хөгжлийг илүү шударга, боломжийн чиглэлээр ахиулна.
Путин хэлэхдээ:
- Ши Жиньпин даргын хүчтэй удирдлага дор Хятад улс хөгжлийн гайхалтай амжилтад хүрсэн бөгөөд Оросын тал чин сэтгэлээсээ баяр хүргэж байна. Энэ он гарснаас хойш Орос Хятадын ажил хэрэгч хамтын ажиллагаа тогтвортой хөгжиж байх юм. Хятадаас дэвшүүлсэн дэлхийн аюулгүй байдлын санаачилгыг Орос улс дэмжиж байна. Шиньжян, Хонгконг, Тайвань болон бусад асуудлаар нэрийдлээр Хятадын дотоод хэрэгт хөндлөнгөөс оролцож буй аливаа хүчнийг эсэргүүцэж, Хятад улстай олон талт зохицуулалтаа бэхжүүлэн, дэлхийн олон туйлшралыг ахиулж, илүү шударга, үндэслэлтэй олон улсын дэг журмыг тогтооход бүтээлч хүчин чармайлт гаргахад бэлэн байна.
Хоёр улсын төрийн тэргүүн Украины асуудлаар санал солилцов.
Ши Жиньпин хэлэхдээ:
- Хятад улс Украины асуудлаарх түүхэн өргөрөг ба зөв буруугаас баримт авч, бие даасан дүгнэлт хийж, дэлхийн энх тайвныг идэвхтэй ахиулан, дэлхийн эдийн засгийн дэг журмыг тогтвортой байлгахад тус дөхөм үзүүлсээр иржээ. Украины хямралыг хариуцлагатай зөв зохицуулахыг бүх талууд шаардах ёстой. Хятад улс энэ талаар зохих үүргээ үргэлжлүүлэн гүйцэтгэхэд бэлэн байна.
