Ши Жиньпин дарга Японы ерөнхий сайд Фумио Кишида нар 09-р сарын 29-нд Хятад, Японы дипломат харилцаа хэвийн болсны 50 жилийн ойн баярын цахилгаан илгээжээ.

 Ши Жиньпин захидалдаа:

"Одоогоос 50 жилийн өмнө Хятад, Японы ахмад үеийн удирдагчид нөхцөл байдлыг тунгаан бодож, улс төрийн томоохон шийдвэр гарган, Хятад, Японы дипломат харилцааг хэвийн болгож, хоёр улсын хоорондын харилцаанд шинэ хуудас нээсэн байна.

 Өнгөрсөн 50 жилийн хугацаанд хоёр улсын засгийн газар, ард түмний хамтын хүчин чармайлтаар хоёр тал улс төрийн дөрвөн баримт бичиг, хэд хэдэн чухал зөвшилцөлд дараалан хүрч, бүс нутгийн тэр байтугай дэлхийн энх тайван, хөгжилд хүрсэн юм".

 Ши Жиньпин Хятад, Японы харилцааны хөгжлийг дээд хэмжээнд чухалчлан үзэж, Ерөнхий сайд Фумио Кишидатай хамтран ажиллаж, хоёр тал дипломат харилцаа тогтоосны 50 жилийн ойг боломж болгон авч,шинэ эриний шаардлагад нийцсэн Хятад, Японы харилцааг хамтдаа байгуулах чиг хандлагыг дагахад бэлэн байна гэж онцлов.

 Фумио Кишида захидалдаа:

"50 жилийн өмнө Япон, Хятадын ахмад үеийн удирдагчид стратегийн сэтгэлгээ, улс төрийн эр зоригийг дэмжиж, Япон Хятадын харилцааны түүхэн шинэ үйл явцыг нээсэн юм. Өнгөрсөн 50 жилийн хугацаанд Япон, Хятад хоёр орон эдийн засаг, соёл урлаг, боловсон хүчний солилцоо зэрэг өргөн хүрээний хамтын ажиллагаанд ихээхэн ахиц дэвшил гарган, Япон, Хятадын харилцааны шинэ ирээдүйг бий болгохын тулд хоёр тал гар нийлэх нь маш чухал юм. Японы тал Хятадын талтай хамтран ажиллаж, ирэх 50 жилд анхаарал хандуулж, Япон, Хятадын бүтээлч тогтвортой харилцааг ахиулан, хоёр орон, бүс нутаг, дэлхийн энх тайван, хөгжил цэцэглэлтийг хамтдаа ахиулахад бэлэн байна".

 Мөн өдөр ерөнхий сайд Ли Кэчян, Фумио Кишида нар харилцан баярын цахилгаан илгээв. Ли Кэчян захидалдаа:

"Хятад, Япон бол газарзүйн хувьд ижил төстэй, соёлын хувьд холбоотой, хоёулаа бүс нутаг болон олон улсын хамтын нийгэмлэгийн чухал орон юм. Хятадын тал Японы талтай хамтаар энх тайван, найрсаг зэрэгцэн оршихын төлөө чармайж, хоёр орны харилцааны улс төрийн үндэс суурийг хэвээр хадгалж, олон салбарын солилцоо хамтын ажиллагаагаа гүнзгийрүүлэн, зөрчил мөргөлдөөн, санал зөрөлдөөнөө зөв зохицуулж, Дипломат харилцаа хэвийн болсны 50 жилийн ойг шинэ эхлэл болгож, тогтвортой, эрүүл урагшилж, Хятад Японы харилцааг ахиулахад бэлэн байна" гэжээ.