Энэ сарын 21-ний өдөр Швейцарийн Давост 2020 оны Дэлхийн эдийн засгийн чуулга уулзалт болов. Даяаршил яах ёстой эсэх нь уг чуулга уулзалтын гол сэдэв болсон байна. Гурван жилийн өмнө Хятад улсын дарга Ши Жиньпин чухал үг хэлэх үедээ: - Олон орны эдийн засаг дахь хөрөнгө мөнгө, технологи, бүтээгдэхүүн, үйлдвэрлэл, хүмүүсийн урсгалыг зориуд тасалбал, дэлхийн эдийн засаг дахин жижиг жижиг өнчин тасархайнууд болох юм. Иймээс энэ нь болж бүтэхгүй мөртөө түүхийн урсгалд ч нийцэхгүй юм гэж онцлолсон байдаг.

Эдийн засгийн даяаршилд ухралт бий болсны шууд шалтгаан нь түүний бодит ашгийн хуваарилалт тэнцвэргүй болсон явдал юм. Харин үндсэн шалтгаан нь өдгөө дэлхийн эдийн засгийн өсөлтийн хөдөлгөгч хүч хүрэлцэхгүй байж, дэлхийн эдийн засгийн "Бялуу" багасч, хөгжсөн орон болон хөгжиж буй орнууд бүгд дарамт, дайралттай учирсан явдал юм.

Гурван жилийн өмнө Ши Жиньпин дарга зохицуулалтын төсөл дэвшүүлсэн. Энэ нь даруй хөдөлгөгч хүчнийг шинэчлэх чиглэлийг баримталж, баялаг идэвх хүчтэй өсөлтийн загварыг бүрдүүлнэ. Уялдаа нэгдэлтэй байхыг баримталж, нээлттэй, хамтдаа амжилтад хүрсэн хамтын ажиллагааны загварыг бүрдүүлнэ. Цаг эринтэй зэрэг урагшлахыг баримталж, шударга зүй зохистой засаглалын загварыг бүрдүүлнэ. Эрх тэгш багтаамжтай байхыг баримталж, тэнцвэртэй, түгээмэл ашигтай хөгжлийн загварыг бүрдүүлэх явдал юм. Энэхүү "Хятадын жор" өнөөг хүртэл уриалан татах хүчинтэй хэвээр байгаа аж.

Энэ оны Давосын дэлхийн эдийн засгийн чуулга уулзалт "Бүх дэлхийн хүчнийг төвлөрүүлж, тогтвортой хөгжлийг биелүүлнэ" гэсэн уриан дор болов. Эдийн засгийн даяаршил бол түүхийн урсгал юм. Хэдийгээр зарим талын ухралт бий боллоо ч гэсэн түүний хүчин төгөлдөр урагшлах байдлыг хэн ч хориглон хашиж чадахгүй.