ХКН-ын Төв хорооны Улс төрийн товчооны гишүүн, БХАТИХ-ын Байнгын хорооны дэд дарга Ван Чэнь 07-р сарын 15-наас 17-ны хооронд Бүх Хятадын Ардын Төлөөлөгчдийн Их Хурлын Байнгын хорооны хууль сахиулах хяналт шалгалтын багийг ахалж, Ниншягийн хөдөө тосгоныг сэргээн хөгжүүлэх хуулийн хэрэгжилтэд хяналт шалгалт хийсэн байна. Ши Жиньпиний шинэ эриний Хятадын онцлогтой социализмын тухай үзэл баримтлалыг баримталж, хөдөө тосгоныг сэргээн хөгжүүлэхэд чиглэсэн байршуулах шаардлагыг бүрэн хэрэгжүүлж, хууль дээдлэх ёсыг чиглүүлэх, зохицуулах, баталгаажуулах үүргийг бүрэн гүйцэд гүйцэтгэж, хөдөө аж ахуй, хөдөөгийн орчин үеийн шинэчлэлийг түргэсгэж, амьдрахад тохиромжтой, бизнес эрхлэхэд тохиромжтой үзэсгэлэнт тосгонуудыг бат бөх барина.
Хяналт шалгалтын баг Ниншя Хотон үндэстний Өөртөө Засах Районы засгийн газрын хөдөө тосгоныг сэргээн хөгжүүлэх тухай хуулийн хэрэгжилтийн тайланг сонсож, Иньчуань, Үжүн хотод очиж шалгалт хийсэн байна. Минь Нин хамтын ажиллагаа нь ерөнхий нарийн бичгийн дарга Ши Жиньпиний биечлэн хэрэгжүүлж, сурталчилсан зүүн ба баруу хэсгийн ядуурлыг бууруулах хамтын ажиллагааны загвар юм. Хянан шалгалтын багийнхан Юүннин шянийн Миньнин балгасны Юаньлүн тосгонд ирж, тосгоны өнгө үзэмж, тусламжийн цехтэй танилцсан бөгөөд тариаланчдад тусалсан цахим худалдаа нь тосгоны иргэдийн амьдралыг улам цэцэглэн хөгжүүлж, ган хуурай элс нь алтан шаргал өнгөтэй болон хувирч байгааг харсан. Ерөнхий нарийн бичгийн дарга Ши Жиньпиний өгсөн итгэлийг санаж, талархаж, сайн сайхан амьдралыг бүтээхийн төлөө урагшлахыг хүн бүрд уриалсан байна. Аж үйлдвэрийг сэргээх нь хөдөө орон нутгийг сэргээх хамгийн чухал зорилт юм. Инчуань хотын Шиша дүүргийн Юаньши дарсны үйлдвэрийн тариалалтын баазад хянан шалгалтын баг говийн усан үзмийн тариалангийн байдлыг шалгаж, дарсны үйлдвэрлэлийг хөгжүүлж, тариаланчдын хөдөлмөр эрхлэлтийг нэмэгдүүлэх шинэ ололттой танилцав. Ү Жүн хотын Хүнсибао дүүрэгт Ниннань уулнаас нийт 235 мянган иргэдийг нүүлгэн шилжүүлж, суурьшуулсан нь Хятад улсын хэмжээнд шилжин суурьшсан цагаачдын хамгийн том төвлөрсөн нүүлгэн шилжүүлэлтийн бүс юм. Хянан шалгалтын багийнхан тус дүүргийн Хүндэ тосгонд ирж, нүүлгэн шилжүүлсэн тариаланчдын гэр бүлтэй танилцаж, чоно жимсний тариалалт, махны чиглэлийн үхэр, нэхмэлийн аж ахуйн нэгжүүдийн ядуурлыг бууруулах чиглэлээр гарсан ахиц дэвшлийн талаар ойлгосон байна. Хянан шалгалтын баг мөн Үжүн хотын Литүн дүүргийн Байситан тосгон, Ниүжяфан ардын соёлын тосгонд очиж, тосгосны бүтээн байгуулалт, хөдөө тосгоны экологийн орчныг хамгаалах, хөдөө тосгоны соёлыг өвлөн үлдээх, сэргээн хөгжүүлэх ажлыг шалгасан байна.
Ван Чэнь:
- Ниншя бол ерөнхий нарийн бичгийн дарга Ши Жиньпин Ниншя хотод шалгалт хийх үеэр хэлсэн чухал үгийн санааг тууштай хэрэгжүүлж, ядуурлаас ангижруулах ололт амжилтыг нэгтгэн өргөтгөх, хөдөө тосгоныг сэргээн хөгжүүлэх ажлыг үр дүнтэй холбохыг чухалчилж, хуулийн хэрэгжилтийг чангатгаж, хөдөө орон нутгийн сэргэн мандалтын ажлыг сайн эхлүүлэв. Үүний зэрэгцээ хөдөө аж ахуйн үйлдвэржилтийн түвшин доогуур, хөдөөгийн дэд бүтцийн бүтээн байгуулалтад олон дутагдалтай зэрэг сул талууд бий гэж хэлэв.
Ван Чэнь:
- Ерөнхий нарийн бичгийн дарга Ши Жиньпиний "Хөдөө аж ахуй, хөдөө тосгон, тариачид"-ын ажлын талаарх чухал илтгэлийг сайтар судалж, хэрэгжүүлж, аж үйлдвэрийн хөгжил цэцэглэлт, экологийн амьдрах орчин, хөдөөгийн соёл иргэншил, үр ашигтай засаглал, чинээлэг амьдралын ерөнхий шаардлагад нийцүүлэн, хөдөөгийн хөгжлийг дэмжих тухай хуулийн заалтыг бүрэн хэрэгжүүлж, хуулийн дагуу чанартай, үр ашигтай газар тариалан, амьдрахад таатай, бизнест ээлтэй тосгон, тариаланчдын хөгжил цэцэглэлтийг дэмжинэ. Хөдөө орон нутгийн бүтээн байгуулалтын ажлыг гүнзгийрүүлэн хийж, хөдөө орон нутагт бие засах газар, ахуйн хог хаягдал, бохир ус цэвэрлэх ажлыг орон нутгийн онцлогт тохируулан сайжруулж, хөдөөгийн тариаланчдын үйлдвэрлэл, ахуй нөхцөлийг үр дүнтэй сайжруулах шаардлагатай байна. Орлогыг нэмэгдүүлэх сувгийг үргэлжлүүлэн өргөжүүлж, тариаланчдын амьжиргааны түвшин, шинжлэх ухаан, техник, соёлын чанарыг дээшлүүлж, тариаланчдын эрх ашгийг үр дүнтэй хамгаалж, тариаланчдын аж амьдралыг дээшлүүлэх шаардлагатай байна. Хятадын үндэстний хамтын нийгэмлэгийн ухамсарыг бэхжүүлж, үндэстний эв нэгдэл, хөгжил дэвшлийг ахиулж, хөдөө тосгоны сэргэн мандалд хамтдаа хувь нэмэр оруулах хэрэгтэй гэж илэрхийллээ.
