Хятадын УТЗЗ-ний бүх Хятадын хорооны гишүүд 05-р сарын 17-нд Бээжин хотноо "Дижитал эдийн засгийн тогтвортой эрүүл хөгжлийг ахиулах" тусгай зөвлөлдөх хурал зохион байгуулав. ХКН-ын Төв хорооны Улс төрийн товчооны байнгын хорооны гишүүн бөгөөд УТЗЗ-ний бүх Хятадын хорооны дарга Ван Ян уг хуралд оролцож, чухал үг хэлсэн байна. Тэрээр,ерөнхий нарийн бичгийн дарга Ши Жиньпиний дижитал эдийн засгийн хөгжлийн талаарх чухал илтгэлийг нухацтай суралцаж, нөхцөл байдлыг шинжлэх ухаанчаар судалж, хөгжлийн итгэлийг нэмэгдүүлж, аюулгүй байдлын харилцааг диалектик талаас нь харж, уялдуулан зохицуулах хэрэгтэй. Мөн дижитал эдийн засгийг үргэлжлүүлэн бэхжүүлж, оновчтой болгож, түүнийг хөгжлийн шинэ загварт нэгтгэж, өндөр чанартай хөгжлийг дэмжихэд илүү сайн үйлчлүүлэх хэрэгтэй гэж онцолсон байна.
Энэхүү удаагийн хурал нь нийгэм нийтийн анхаарлыг ихэд татсан бөгөөд олон хүмүүсийн халуун ярианы сэдэв болсон байна.
ХКН-ын XVIII их хурлаас хойш Хятадын Коммунист намын төв хороо дижитал эдийн засгийг хөгжүүлэхэд ихээхэн ач холбогдол өгч, Хятадын дижитал эдийн засгийг дэлхийн тэргүүлэх байранд байршуулахад хэд хэдэн чухал арга хэмжээ авч хэрэгжүүлсэн байна. Мөн бүх орон нутгууд төв засгийн газрын уриалгыг идэвхтэй хүлээн авч, дижитал эдийн засгийг орон даяар өрсөлдөхүйц цаг хугацаа,нөхцөл байдалд зохицуулан хөгжүүлэх арга хэмжээ авснаар Хятадын дижитал эдийн засгийн хөгжлийн нөхцөл байдал таатай үр дүнд хүрч чадсан байна.
Дижитал эдийн засгийн хөгжил иргэдийн амьдралд аз жаргал авчирдаг
ХКН-ын төв хорооны улс төрийн товчооны гишүүн, Төрийн зөвлөлийн ерөнхий сайдын орлогч Лю Хэ уг хуралд оролцсон бөгөөд чухал үг хэлжээ. Тэрээр хэлэхдээ, Хятадын Коммунист Намын XVIII их хурлаас хойш Ши Жиньпин нөхөр болон Намын Төв Хорооны хүчтэй удирдлага дор Хятад улсын дижитал эдийн засгийн хөгжлийн ололт амжилт дэлхий нийтийн анхаарлыг татсан байна. Хятад улс дижитал эдийн засгийн бүхталын өөрчлөлтөд дасан зохицож, үндэсний хүчирхэг байдал, олон улсад өрсөлдөх чадвараа дээшлүүлэхийг хичээх ёстой. Гол технологийг хөгжүүлэн урагшлуулахад анхаарч,суурь судалгааны төвшнийг дээшлүүлж, дэвшилтэт болон хэрэглэгдэх технологиудыг сурталчлахад ач холбогдол өгөх шаардлагатай байна. Аж ахуйн нэгжүүдийн бизнес эрхлэгчид бол инновацын хамгийн чухал хэсэг болох бөгөөд платформ эдийн засаг, хувийн эдийн засгийн тогтвортой, эрүүл хөгжлийг дэмжих, платформ эдийн засгийн стандартчилагдсан эрүүл хөгжлийг дэмжих тодорхой арга хэмжээг судлах,платформын аж ахуйн нэгжүүдийг үндэсний шинжлэх ухаан, технологийн инновацын төслүүд зэрэг томоохон үйл ажиллагаанд оролцохыг дэмжих шаардлагатай байна. Засгийн газар, зах зээлийн харилцааг зөв зохицуулах, нэгдсэн төлөвлөгөө гаргах, хууль тогтоомжийг боловсронгуй болгох, засгийн газрын шууд хөрөнгө оруулалтыг нэмэгдүүлэх, нийт ард түмний дижитал эдийн засгийн тухай олголтыг нэмэгдүүлэн, дижитал компаниудыг дотоод, гадаадын хөрөнгийн зах зээлд гаргахад дэмжлэг үзүүлэх шаардлагатай байна. Дижитал эдийн засгийн хөгжил нь гадаад нээлттэй байж, боловсон хүчинд суурилсан хөгжлийн байдлыг бүрдүүлэх хэрэгтэй бөгөөд өрсөлдөөнөөр дамжуулан инновацын чадавхыг ч дэмжих ёстой гэж онцолсон байна.
УТЗЗ-ийн бүх Хятадын Хорооны 100 шахам гишүүн энэхүү хуралд оролцож, 29 гишүүн, мэргэжилтэн илтгэл тавьж,140 гаруй гишүүн гишүүдийн хорооны гүйцэтгэлийн платформоор санал бодлоо илэрхийлсэн байжээ.
Өмчлөх эрхийг оновчтой тодорхойлж, эрх, үүрэг хариуцлага нь тодорхой болсон цагт л мэдээлэл солилцож, түгээх боломжтой гэж УТЗЗ-ний бүх Хятадын хорооны Эдийн засгийн хорооны орлогч дарга Мяо Вэй үзэж байна.Тэрээр,мэдээллийн эрхийг баталгаажуулах үндсэн зарчмуудыг тодорхой болгож, мэдээллийн эрхийг баталгаажуулах үндсэн тогтолцоог идэвхтэй бүрдүүлж, мэдээллийн эрхийг баталгаажуулах техникийн хэрэгслийг бүрэн ашиглахыг санал болгов.
УТЗЗ-ний бүх Хятадын хорооны гишүүн Ли Яньхун сүүлийн хэдэн жилд дижитал эдийн засаг Хятад улсын эдийн засгийн өсөлтөд чухал хөдөлгөгч үүрэг гүйцэтгэсэн тул өөрийн хөгжил шинэ эрч хүчээ олох хэрэгтэй гэж үзэж байна. Тэрээр нэгдүгээрт, дээд түвшний дизайныг бэхжүүлж, дэд бүтцийн ухаалаг өөрчлөлтийг хурдасгана. Хоёрдугаарт, аж үйлдвэрийг инновац үйл явцад саад болж буй институци, зохион байгуулалтын саад бэрхшээлийг илүү их шинэчлэл, инноваци хийх замаар өөрчлөхийг санал болгов.
УТЗЗ-ний бүх Хятадын хорооны гишүүн Ван Имин хэлэхдээ, жижиг, дунд аж ахуйн нэгжийн дижитал өөрчлөлтийг олон тооны газар нутагт хурдасгах нь зөвхөн бүрэн гинжин хэлхээ, бүрэн процесс бүхий дижитал экологийг бий болгох, аж үйлдвэрийн сүлжээ, нийлүүлэлтийн сүлжээний уян хатан байдал, бие даасан хяналтыг сайжруулахад тустай төдийгүй чанар, үр ашиг, эрчим хүчний өөрчлөлтөд шинэ энерги хөдөлгөгч хүчин оруулах болно. Жижиг, дунд үйлдвэрүүдийн дижитал өөрчлөлтийг дэмжих арга замыг шинэчилж, шилжүүлэх хүсэлгүй байгаа асуудлыг шийдвэрлэнэ. Жижиг, дунд үйлдвэрүүдийг дижитал өөрчлөлт хийх талаар үлгэр дуурайлал, зааварчилгаа өгч, шилжиж зүрхлэхгүй байгааасуудлыг шийдвэрлэнэ. Жижиг, дунд үйлдвэрүүдийн мэдээллийн аюулгүй байдлын хяналтын тогтолцоог боловсронгуй болгож, шилжүүлэхийг хүсэхгүй байгаа асуудлыг шийдвэрлэнэ.Мөн дижитал өөрчлөлт хийхэд хүний хүч дутагдаж бий аж ахуйн нэгжид зориулан боловсон хүчний сургалтын ажлыг эрчимжүүлэхэд дэмжих ёстой гэж санал болгосон байна.
УТЗЗ-ний бүх Хятадын хорооны гишүүн Шяо Ган,дата өгөгдлийн үнэ цэнэ нь эргэлтийн гүйлгээнд оршдог гэж үзэж байна. Мэдээллийн өмчийн эрхийн тухай тусгай хууль тогтоомжийг боловсруулж, мэдээллийн өмчийн эрхийг задлах,хэсэгчлэн хуваах, анхны өгөгдөл нийлүүлэгчид болон өгөгдлийн элемент үйлдвэрлэгчдийг хуваах, өгөгдөл эзэмших, хянах эрх, ашиглалтын эрх, орлогын эрх болон бусад зүйлийг тодорхой болгохыг санал болгов. Мөн мэдээллийн арилжааны олон түвшний зах зээлийг бий болгож,мэдээллийн элементүүдийн эргэлт, арилжаанд тавих хяналтыг бэхжүүлэн сайжруулж, хууль бус мэдээллийн арилжааны гэмт хэргийн зардлыг нэмэгдүүлж, таслан зогсоох ажиллагааг эрчимжүүлэх зэрэг талаар санал бодлоо солилцсон байна.
УТЗЗ-ний бүх Хятадын хорооны гишүүн Ян Чэнжан "Арван дөрөвдүгээр 5 жилийн төлөвлөгөө”-ний үе бол Хятад улсын дижитал эдийн засаг хэрэглээний чиглэлээр гүнзгийрч, стандартчилсан хөгжил, хүртээмжтэй хуваалцахад шилжсэн шинэ үе шат гэж үзэж байна.Иймийн тулд дижитал эдийн засгийг хөгжүүлэх боломжийг ашиглаж, дата, санхүү, аж үйлдвэр хоорондын эерэг уялдаа холбоог аажмаар бий болгож,Хятад улсын дижитал эдийн засгийн эрүүл хөгжлийг дэмжих шаардлагатай байна. Мөн түүний үзэхээр дата хүчин зүйлийн зах зээлийн үндсэн институцийн тогтолцоог боловсронгуй болгоход хөрөнгийн зах зээлийг жишиг болгон ашиглах нь зүйтэй. Өгөгдлийн үнэ цэнийг нэмэгдүүлэхийн тулд мэдээллийн элементүүд болон хөрөнгийн зах зээлийн цогц хөгжлийг бэхжүүлэх; Датагийн аюулгүй байдлыг хангах үүднээс өгөгдлийн элементүүд болон хөрөнгийн зах зээлийг цогцоор нь хөгжүүлэхэд дэмжлэг үзүүлэх систем, засаглалын системийг боловсронгуй болгох талаар санал дэвшүүлсэн байна.
УТЗЗ-ний бүх Хятадын хорооны гишүүн Лю Шанши: Эрсдэл, аюулгүй байдал, хөгжлийн үүднээс авч үзвэл бүх явц эрсдэлтэй асуудал юм. Найдваргүй байдал нь эрсдэл, удаан хөгжихгүй байх нь мөн эрсдэл.Эрсдэлтэй байдлын талаарх ойлголтыг нэмэгдүүлэх, эрсдэл, сорилтоос урьдчилан сэргийлэхэд тууштай ажиллах шаардлагатайг төв засгийн газар удаа дараа онцолж ирсэн. Төв засгийн газраас тавьж буй шаардлагыг хэрэгжүүлэхийн тулд бид эрсдэлийн талаарх цогц ойлголтыг бий болгож, ойрын болон урт хугацааны эрсдэл, орон нутгийн эрсдэл, нийт эрсдэлийг дижитал эдийн засгийн засаглалд нэгтгэх ёстой гэжээ.
Хятад улсын дижитал эдийн засгийг үргэлжлүүлэн бэхжүүлж, оновчтой болгоно
ХКН-ын Төв Хорооны Улс төрийн товчооны Хятад улсын дижитал эдийн засгийн эрүүл хөгжлийг дэмжих 34 дэх удаагийн хамтын судалгаа 2021 оны 10-р сарын 18-ны өдөр болов. Судалгааг даргалах үеэр ХКН-ын ерөнхий нарийн бичгийн дарга Ши Жиньпин сүүлийн жилүүдэд интернэт, том дата, үүлэн тооцоолол, хиймэл оюун ухаан, блокчэйн зэрэг технологиуд нь инновацыг хурдасгаж, эдийн засаг, нийгмийн хөгжлийн бүхий л үйл явцад улам бүр нэгдэж байна. Түүний өргөн цар хүрээ, нөлөө нь урьд өмнө байгаагүй бөгөөд дэлхийн хүчин зүйлийн нөөцийг дахин зохион байгуулах, дэлхийн эдийн засгийн бүтцийг өөрчлөх, дэлхийн өрсөлдөөний хэв маягийг өөрчлөх гол хүч болж байна. Хятадын үндэстнүүдийн агуу их сэргэн мандалт болон дэлхий дахинд нэг зуунд харагдахгүй байгаа их өөрчлөлтийн ерөнхий стратегийг зохицуулах үүднээс, бид дотоод болон олон улсын ерөнхий байдал, хөгжил аюулгүй байдлын хоёр том асуудлыг зохицуулж, бүх талын үүрэг гүйцэтгэх ёстой. Дижитал технологи болон бодит эдийн засгийн гүн гүнзгий уялдаа холбоог ахиулж, уламжлалт үйлдвэрлэлийн өөрчлөлт, шинэчлэлийг идэвхжүүлж, шинэ үйлдвэрлэл, шинэ хэлбэр, шинэ загваруудыг төрүүлж, Хятад улсын дижитал эдийн засгийг үргэлжлүүлэн бэхжүүлж, оновчтой болгох хэрэгтэй гэж онцолсон байжээ.
2022 оны 01-р сарын 16-ны өдөр хэвлэгдсэн "Үнэн” сэтгүүлийн хоёр дахь дугаарт ерөнхий нарийн бичгийн дарга Ши Жиньпиний “Хятадын дижитал эдийн засгийн хөгжлийг тасралтгүй бэхжүүлж, оновчтой болгон өргөжүүлэх тухай" гэх чухал өгүүллийг нийтэлжээ.Уг нийтлэлд “Хятадын Коммунист намын XVIII их хурлаас хойш дижитал эдийн засгийг хөгжүүлэх шаардлагатайг нэг бус удаа онцолж байсан. 2016 онд ХКН-ын 18 дахь удаагийн Улс төрийн товчооны 36 дахь удаагийн хамтын судалгааны үеэр ч дижитал эдийн засгийг өргөжүүлэн бэхжүүлж, эдийн засгийн хөгжлийн шинэ орон зайг өргөжүүлэх шаардлагатайг онцлон тэмдэглэсэн бол мөн онд дижитал эдийн засгийг хөгжүүлэх санаачилга гаргасан. Их 20-ын Ханжөүгийн дээд хэмжээний уулзалтын үеэр дижитал эдийн засгийг хөгжүүлэх тухай анх санал болгосон бөгөөд бусад орны удирдагчид, бизнес эрхлэгчид өргөнөөр хүлээн зөвшөөрсөн. 2017 онд XIX сонгуулийн Төв хорооны Улс төрийн товчооны хоёр дахь удаагийн хамтын судалгааны үеэр мөн дижитал Хятад улсын бүтээн байгуулалтыг эрчимжүүлж, дижитал эдийн засгийг үндсэн элемент болгон байгуулж, бодит эдийн засгийн цогц хөгжлийг ахиулах хэрэгтэйг онцолжээ. Үүнээс гадна 2018 онд бас 5G, хиймэл оюун ухаан, үйлдвэрлэлийн интернэт зэрэг шинэ дэд бүтцийн бүтээн байгуулалтыг эрчимжүүлэх шаардлагатайг Эдийн засгийн ажлын төв бага хурал дээр онцлон тэмдэглэв. 2021 онд болсон Дэлхийн интернэтийн бага хурлын Үжэний дээд хэмжээний уулзалтад илгээсэн мэндчилгээний захидалд дижитал эдийн засгийн эрч хүчийг идэвхжүүлж, дижитал засгийн газрын үр ашгийг дээшлүүлэх, дижитал нийгмийн орчныг оновчтой болгох, дижитал хамтын ажиллагааны хэв маягийг бий болгож, дижитал аюулгүй байдлын саад тотгорыг арилгаж, дижитал соёл иргэншлийг бүх улс орны ард түмэнд үр өгөөжөө өгөх боломжийг олгоно гэж тэмдэглэсэн байна.
Синьхуа агентлагийн энэ оны 01-р сарын 12-ны өдөр мэдээлснээр, Төрийн зөвлөл саяхан "Дижитал эдийн засгийг хөгжүүлэх Арван дөрөвдүгээр 5 жилийн төлөвлөгөө"-г нийтэлж, Хятад улсын дижитал эдийн засгийн эрүүл хөгжлийг ахиулах үндсэн үзэл баримтлал, үндсэн зарчим, хөгжлийн зорилт, гол зорилтуудыг тодорхой тусгасан байна. "Төлөвлөгөө"-д 2025 он гэхэд дижитал эдийн засгийн гол салбаруудын нэмүү өртөг ДНБ-ий 10 хувийг бүрдүүлнэ, дата өгөгдлийн элементийн зах зээлийн системийг анхлан байгуулж, салбарын дижитал өөрчлөлт шинэ түвшинд гарна. Дижитал төрийн үйлчилгээг хүртээмжтэй, тэгш үр өгөөжтэй болгож, дижитал эдийн засгийн удирдлагын бүрэн тогтолцоотой болно. 2035 он гэхэд шударга, эмх цэгцтэй, өрсөлдөх чадвартай, төлөвшсөн дижитал эдийн засгийн орчин үеийн зах зээлийн тогтолцоог бүрдүүлэхийн төлөө хичээн ажиллаж, дижитал эдийн засгийн хөгжлийн түвшин дэлхийд дээгүүрт бичигдэхийг хүсэж байна гэсэн байлаа.
Энэ оны Засгийн газрын ажлын тайланд “Дижитал эдийн засгийг хөгжүүлэх” талаар тодорхой дурдсан. Тайланд, Хятадын дижитал эдийн засгийн талаарх ерөнхий зохион байгуулалтыг бэхжүүлэн хөгжүүлнэ гэж дурджээ. Мэдээллийн дижиталын дэд бүтцийг бүтэн байгуулж, үндэсний нэгдсэн том дата төвийн системийг үе шаттайгаар байгуулж, 5G-ийн өргөн цар хүрээтэй хэрэглээг дэмжин, аж үйлдвэрүүдийн дижитал өөрчлөлтийг дэмжиж, ухаалаг хот, дижитал тосгоныг хөгжүүлнэ.Аж үйлдвэрийн интернэтийн сүлжээг бүрдүүлж, нэгдсэн хэлхээ, хиймэл оюун ухаан зэрэг дижитал үйлдвэрлэлийг хөгжүүлэн өргөжүүлж, үндсэн программ хангамж, техник хангамжийн технологийн инновац, хангамжийн чадавхыг сайжруулна. Дижитал эдийн засгийн удирдлагыг сайжруулж, дата элементүүдийн зах зээлийг хөгжүүлж, дата элементүүдийн боломжуудыг гаргаж, хэрэглээний чадавхыг сайжруулж, эдийн засгийн хөгжлийг илүү сайн болгож, хүмүүсийн амьдралыг баяжуулна.
Хятадын дижитал эдийн засаг сүүлийн жилүүдэд хурдацтай хөгжиж байна.
Хятадын Мэдээлэл, Харилцаа Холбооны Технологийн Академиас гаргасан "Хятадын дижитал эдийн засгийн хөгжлийн тухай цагаан ном (2021)"-д Хятадын дижитал эдийн засгийн эзлэх хувь 2005 онд 2,6 их наяд юань байсан бол 2020 онд 39,2 их наяд юань болсон байна. 2020 оны дижитал эдийн засгийн ДНБ-д эзлэх хувь 14.2 хувиас 38.6 хувь болж өссөн. 2020 онд цар тахлын нөлөө болон дэлхийн эдийн засгийн уналтын байдалд Хятадын дижитал эдийн засаг 9.7 хувийн өндөр өсөлттэй хэвээр байна.
Дэлхий ертөнцийг харахад, 2021 онд Хятадын Мэдээлэл, Харилцаа Холбооны Технологийн Академиас гаргасан "Дэлхийн дижитал эдийн засгийн цагаан ном" нь дэлхийн дижитал эдийн засаг нь эдийн засагт үзүүлж буй уналтын дарамтыг даван туулах тогтворжуулагч болж, Хятадын дижитал эдийн засгийн өсөлт нь дэлхийд тэргүүлж байгааг харуулж байна.Хятадын Мэдээлэл, Харилцаа Холбооны Технологийн Академийн ерөнхийлөгч Юй Шяохүй хэлэхдээ:
-Дижитал эдийн засаг нь цар тахлын нөлөөг үр дүнтэй буруулж, шинэ үйлчилгээ, шинэ загвар, шинэ аж үйлдвэрийг хөгжүүлэхэд түлхэц өгсөн. Бүх дэлхийн цар тахал мөн газар авч бий байдалд дижитал эдийн засаг нь эдийн засгийг сэргээхэд маш чухал үүрэг гүйцэтгэсэн бөгөөд цар тахал нь дэлхийн дижиталчлалын үйл явцыг улам бүр түргэсгэсэн байна гэж илэрхийлсэн байлаа.
Орон нутаг төрийн бодлого,бодит үйл ажиллагаагаар дижитал эдийн засгийн хөгжилд дэмжжээ
Хятадын орон нутагт ч дижитал эдийн засаг нь өндөр чанартай хөгжлийн чухал хөдөлгөгч хүч болсон. "Арван дөрөвдүгээр 5-р жил"-ийн төлөвлөгөөнд ч гэсэн,орон нутгийн засгийн газрын ажлын тайланд бүр “дижитал эдийн засаг”анхаарлын төв болсон байлаа.
Хятадын олон муж хот дижитал эдийн засгийг төлөвлөх маш олон чухал арга хэмжээг нэвтрүүлсэн.Үүний дотроос улсдаа тэргүүлж, дэлхийн дэвшилтэт түвшинд хүрэхийг зорьсон хөгжингүй бүс нутгууд байх төдийгүй дижитал эдийн засгийг тулгуур салбар болгон тогтвортой хөгжүүлж байгаа алслагдсан бүс нутгууд ч байгаа нь дижитал эдийн засгийн өрсөлдөөний бүрэн дүүрэн эрч хүч байгааг харуулж байна гэж хэлж болно.
Бээжин хот 2021 оны 11-р сард нийтэлсэн “Арван дөрөвдүгээр 5 жилийн төлөвлөгөөний хугацаан дахь Бээжин хотод олон улсын шинжлэх ухаан, технологийн инновацын төв байгуулах төлөвлөгөө”-нд дэлхийн дижитал эдийн засгийн жишиг хот байгуулах ажлыг түргэтгэх шаардлагатай гэж тодорхой заасан байдаг. Үүнд хэд хэдэн дижитал үндсэн технологиудыг судлан хөгжүүлэх, дижитал технологи, эдийн засгийг нэгтгэх инновацын платформыг бий болгох, дижитал эрх мэдэл бүхий үйлдвэрүүдийн өндөр чанартай хөгжлийг дэмжих, дижитал хэрэглээний хүрээ царыг өргөтгөх зэрэг агуулгыг хамарсан байдаг. Энэхүү "Төлөвлөгөө"-нд 2025 он гэхэд өндөр технологийн аж үйлдвэрийн нэмүү өртөг тухайн жилдээ 1 триллион 200 тэрбум юаниас давж, дижитал эдийн засгийн нэмүү өртгийн жилийн дундаж өсөлт 7.5 хувь орчим байх болно гэсэн байна. "Төлөвлөгөө" нь дижитал эдийн засгаар өндөр чанартай хөгжлийг бий болгохыг тодорхой санал болгосон байна.
Жэжян мужид, 2021 оны 6-р сард нийтэлсэн "Жэжян мужийн дижитал эдийн засгийг хөгжүүлэх Арван дөрөвдүгээр 5 жилийн төлөвлөгөө"-нд 2025 он гэхэд дижитал эдийн засгийн хөгжлийн түвшин улсдаа тэргүүлж, дэлхийн дэвшилтэт түвшинд хүргэнэ гэж тодорхой заасан бөгөөд дижитал эдийн засгийн нэмүү өртөг ДНБ-д эзлэх хувь хэмжээг 60 орчим хувьд хүргэж, үндэсний дижитал эдийн засгийн инновац, хөгжлийн туршилтын бүсийг байгуулна гэжээ.Мөн энэ жил Жэжян мужийн дижитал эдийн засгийг хөгжүүлэх тэргүүлэгч групп "2022 онд Жэжян мужийн өндөр чанартай дижитал эдийн засгийн хөгжлийг ахиулах ажлын төсөв"-ийг боловсруулан гаргаж, хэрэгжүүлэх хэд хэдэн тодорхой зорилтод шаардлагуудыг дэвшүүлсэн ажээ.
2021 оны 10-р сард Шанхай хотын хотын дижитал өөрчлөлтийг иж бүрэн дэмжих “Арван дөрөвдүгээр 5 жилийн төлөвлөгөө”-г гаргасан. Үүний дотор 2025 он гэхэд Шанхай хотын дижитал өөрчлөлтийг иж бүрэн дэмжиж, дэлхийн жишигт нийцсэн, дотоодын тэргүүлэгч дижитал жишиг хотыг байгуулж, үндсэндээ баазаар холбогдсон хотын дижитал баазыг бий болгоход чухал үр дүнд хүрнэ гэж тодорхой заасан.Мөн Шанхай хотын дижитал засаглалын үндсэн агуулга болох дижитал засаглалын “гурвыг нэгтгэх” хотын дижитал засаглал, засгийн газар, зах зээл, нийгмийн "олон талын хамтын засаглал"-ын бүтцийг бий болгон, үйлдвэрлэл, амьдралын ерөнхий өөрчлөлтийг урьдчилсан байдлаар хэрэгжүүлэн, дата өгөгдлийн элементүүдийг дэлхийн хэмжээнд чадавхжуулах, үзэл баримтлал, дүрмүүдийг цогцоор нь өөрчлөх хотын дижитал өөрчлөлтийн нөхцөл байдал нь олон улсын дижитал капиталыг бий болгох үндсэн суурийг бүрдүүлж, бүтээн байгуулалтын бат бөх суурийг тавьж, 2035 онд дэлхийд нөлөө бүхий олон улсын дижитал хотыг байгуулахад хичээн зүтгэнэ гэсэн билээ.
Хятадын Баруун дунд зарим бүс нутагт дижитал эдийн засаг таатай өөрчлөлтийг авчирч байна.
Гуйжөү муж бол хамгийн сайн жишээ юм. 2021 онд Гүйжөүгийн дижитал эдийн засаг хурдацтай хөгжиж, зургаан жил дараалан өсөлтийн хурдаараа улсдаа нэгдүгээрт байрласан. 2021 онд Гүйжөүгийн ДНБ 1.96 их наяд юаньд хүрч, дижитал эдийн засагДНБ-ий 34 хувийг эзэлсэн байна.Гүйжөү хот нь анхаарал татахуйц өндөр өсөлтийн цаана үндэсний нэгдсэн тооцооллын эрчим хүчний сүлжээний үндэсний (Гуйжүө) зангилаа байгуулахаар зөвшөөрөгдсөн. Програм хангамжийн бизнесийн орлогын өсөлтийн хурд Хятадад нэгдүгээрт орж, Гүйян, Гуй-Ань хотууд дэлхийн хамгийн том хэмжээний дата төвтэй бүс нутгийн нэг болсон төдийгүй Гуйян иж бүрэн баталгаат бүс зэрэг нээлттэй инновацын платформууд нь боловсон хүчин болон том дата салбарт чухал нөлөө үзүүлсээр байгаа ажээ.
Жянши муж олон жил дараалан дижитал эдийн засгийн талаар амжилт тогтоосоор ирсэн. Энэ оны 03-р сард Жянши муж "Дижитал эдийн засгийг илүү сайн, хүчирхэг болгох хөгжлийн 1-р төсөл"-ийг цаашид ахиулах тухай санал бодлыг зарлав. Дижитал эдийн засгийн нэмүү өртгийн өсөлтийн хурд нь мужийн эдийн засгийн өсөлтийн эзлэх илүү хурдацтай, улсын дундаж өсөлтийн хурдтай хэвээр байлгана.Уг цар хүрээг хоёр дахин нэмэгдүүлж, мужийн ДНБ-ий 45 орчим хувийг бүрдүүлэхээр ажиллаж байна. Дижитал эдийн засгийн гол салбаруудын үнэ цэнэ нь мужийн ДНБ-ий 10 хувийг эзлэх болгож, төвийн бүсэд дижитал салбарын хөгжлийн кластерийн бүсийг бий болгох ажлыг хурдасгаж, аж үйлдвэрийн дижитал өөрчлөлтийн анхдагч бүс, туршилтын бүс нутаг инновац,хэрэглээ, дижитал бизнесийн орчныг харуулах талбар болж, үндэсний дижитал эдийн засгийг хөгжүүлэх шинэ өндөрлөг газар болохыг эрмэлзсэн байна.
