Ши Жиньпин ерөнхий нарийн бичгийн дарга 07-р сарын 22-нд Гирин мужид ажиллаа. Мөн өдрийн үдээс хойш тэрбээр эхлээд Сыпин хотын Лишү шянь дахь Үндэсний эко хүнсний бүтээгдэхүүний түүхий эд буюу эрдэнэ шишийн стандартчилсан үйлдвэрлэлийн баазын үлгэр жишээ бүс, хөдөө аж ахуйн машин механикийн мэргэжлийн хоршоололд очиж, үр тарианы үйлдвэрлэл, газрын хөрсний ашиглалт, хөдөө аж ахуйг машин механикжуулан, их цар хэмжээтэйгээр үйлдвэрлэл эрхэлж буй зэрэг байдалтай танилцав. Дараа нь Ши Жиньпин Сыпингийн байлдааны дурсгалын ордонтой танилцаж, хувьсгалын түүхийг эргэн санагалзаж, үрэгдсэн баатруудын гэгээн дурсгалд бараалхав.