Орон нутгийн цагаар 11-р сарын 17-ны үдээс хойш Хятад улсын дарга Ши Жиньпин Бангкок хотноо Филиппиний ерөнхийлөгч Маркостой уулзав.
Ши Жиньпин онцлохдоо "Хятад улс Хятад, Филиппиний харилцааг стратегийн талаас авч үзэж байдаг. Бид энэ оны 5-р сард утсаар ярихдаа шинэ эринд Хятад, Филиппиний харилцааг хөгжүүлэх талаар нэлээд чухал зөвшилцөлд хүрсэн бөгөөд хоёр тал хамтын ажиллагааны дөрвөн гол салбар болох хөдөө аж ахуй, дэд бүтэц, эрчим хүч, хүмүүнлэгийн салбарыг тогтоосон байна. Хоёр тал хамтын ажиллагааны онцлох үйл явдлуудыг бий болгох, хамтын ажиллагааны чанарыг сайжруулахад хичээн зүтгэж байгаа нь хоёр ард түмэнд ач тусаа өгөхийг эрмэлзэж бий явдал болно. Хятад улс Филиппинтэй найрамдал нөхөрлөлийг өвлөн авч, хамтын ажиллагаагаа үргэлжлүүлж, үндэсний хөгжил, сэргэлтийн төлөө хамтран ажиллаж, Хятад, Филиппиний нөхөрлөлийн шинэ түүхийг бичихэд бэлэн байна" гэжээ.
Ши Жиньпин онцлохдоо "Хятад улс Филиппиний талтай байнгын харилцаатай байж, бие биеийнхээ санаа бодлыг үргэлжлүүлэн зохицуулахад бэлэн байдаг. Хоёр тал "Бүс ба зам" санаачилгыг Филиппин улсын "илүү бүтээн байгуулж, сайн бүтээн байгуулах" төлөвлөгөөтэй уялдуулж, Давао-Самарын гүүр төслийг урагшлуулж, “Хоёр улс, хоёр парк”-ийн хамтын ажиллагааг судалж, цэвэр эрчим хүч, боловсрол, нийгмийн эрүүл мэндийн салбарт хамтын ажиллагааг бэхжүүлэх ёстой. Хятад улс Филиппинээс илүү чанартай хөдөө аж ахуйн бүтээгдэхүүнийг импортлоход бэлэн байна. Хоёр тал ард түмний солилцоог бэхжүүлж, Хятад, Филиппиний найрамдал, олон нийтийн санаа бодлын суурийг бэхжүүлэхийн тулд илүү тодорхой арга хэмжээ авах ёстой. Өмнөд Хятадын тэнгисийн асуудлаар хоёр тал найрсаг зөвлөлдөөнийг баримталж, санал зөрөлдөөн, маргааныг зохих ёсоор шийдвэрлэх ёстой. Азийн хөгжиж буй орон болсон Хятад болон Филиппин энх тайван, нээлттэй, хамрах хүрээг чанд баримталж, бүс нутгийн хамтын ажиллагааны ерөнхий чиглэлийг ойлгож, дээрэлхэх үзлийг эсэргүүцэж, шударга ёсыг хамтран хамгаалан, бүс нутгийн энх тайван, тогтвортой байдлыг сахин хамгаалахад хамтран ажиллах ёстой".
Маркос ХКН-ын XX их хурал амжилттай хуралдуулсанд баяр хүргэж, ХКН-ын Төв хорооны ерөнхий нарийн бичгийн даргаар дахин сонгогдсон Ши Жиньпинд баяр хүргэсэн байна.
Тэрээр "Энэ нь Хятадын ирээдүйн хөгжилд илүү тогтвортой байдлыг авчраад зогсохгүй бүс нутаг болон дэлхий даяар ашиг тусаа өгсөн явдал юм. Филиппин, Хятад хоёр улс олон мянган жилийн турш найрсаг харилцаатай байсан түүхтэй. Хоёр орны янз бүрийн салбарт хамтран ажиллах нь дипломат харилцаа тогтоосноос хойш тасралтгүй хөгжиж байна. Филиппиний үндэсний бүтээн байгуулалтад Хятад улс чухал хувь нэмэр оруулж, Филиппин, Хятадын хооронд харилцан итгэлцэл өдөр ирэх тусам өсөн нэмэгдэж байна. Филиппиний тал Хятад улстай хамтран ажиллаж, дэд бүтэц, эрчим хүч, хөдөө аж ахуй, хүмүүнлэгийн болон бусад салбарт хамтын ажиллагаагаа өргөжүүлж, хоёр талын илүү тогтвортой, бат бэх харилцааг бий болгохыг тэсэн ядан хүлээж байна. Далайн асуудал Филиппин, Хятадын харилцааг бүхэлд нь тодорхойлох ёсгүй гэж бид үргэлж дэмжиж ирсэн. Хоёр тал энэ асуудлаар цаашид санал бодлоо солилцож болно. Филиппиний тал цаашид нэг Хятадын бодлогыг тууштай баримталж, энх тайвны зарчмыг баримталж, бие даасан дипломат харилцаа тогтоохыг дэмжинэ. Филиппиний тал Хятадын талтай идэвхтэй зөвлөлдөж, далай тэнгисийн газрын тос болон хийн олборлолтын талаарх хамтын ажиллагааг судлан дэмжихэд бэлэн байна" гэжээ.
