ХКН-ын төв хорооны улс төрийн товчооны байнгын гишүүн, Төрийн зөвлөлийн орлогч ерөнхий сайд Хань Жэн 06-р сарын 16-ны өдөр Бээжинд болсон 2022 оны Хятадын Байгаль орчин, хөгжлийн олон улсын хамтын ажиллагааны зөвлөлийн хурал болон 30 жилийн ойн арга хэмжээнд оролцов. Энэ удаагийн жилийн уулзалт "Хүртээмжтэй ногоон, нүүрстөрөгч багатай эдийн засгийг бий болгох нь" уриан дор болж байна.
Хань Жэн хэлэхдээ "Хятадын Коммунист Намын XVIII их хурлаас хойш Ши Жиньпиний экологийн соёл иргэншлийн үзэл санааны удирдлага дор Хятад улс экологийн тэргүүлэх чиглэл, ногоон, нүүрстөрөгч багатай хөгжлийн замыг гуйвшгүй дагаж, эдийн засгийн бүтцийн өөрчлөлтийг идэвхтэй ахиулж, эрчим хүчний ногоон болон нүүрстөрөгч багатай өөрчлөлтийг ахиулан, эрчим хүчний үр ашгийг эрс дээшлүүлж, бохирдлоос урьдчилан сэргийлэх, хянах ажлыг урьд өмнө хэзээ ч байгаагүй шийдэмгий, хүчтэйгээр ахиулж, экологийн орчны чанарыг үргэлжлүүлэн сайжруулна" гэжээ.
Хань Жэн мөн хэлэхдээ "Хүртээмжтэй ногоон, нүүрстөрөгч багатай эдийн засгийг бий болгох нь өндөр чанартай хөгжлийг ахиулах салшгүй шаардлага юм. Хятадын үндэстний үндсэн нөхцөл байдалд тулгуурлан, тогтвортой байдлаа хадгалж, ахиц дэвшлийг эрэлхийлэхийг тууштай баримталж, эхлээд байгуулж, дараа нь даван туулах зарчмыг баримталж, ерөнхий төлөвлөгөө гаргаж, нүүрсхүчлийн хийн ялгаруулалтыг бууруулж, эрчим хүчний аюулгүй байдлыг хангаж, цэвэр эрчим хүчний хөгжлийг дэмжих ажлыг илүү чухал байр сууринд тавьж, нүүрсний цэвэр, үр ашигтай ашиглалтын түвшинг эрс дээшлүүлнэ. Мөн зохих тогтолцоо, бодлогын тогтолцоог боловсронгуй болгоход анхаарч, зах зээлийн механизм, үнийн механизмын үүргийг бүрэн гүйцэд хэрэгжүүлэхээс гадна төрийн төлөвлөлт, бодлогын чиг баримжааг бүрэн гүйцэд хэрэгжүүлж, нүүрсхүчлийн хийн ялгаруулалтын зах зээлийг сайжруулах, мөн төсөв, татвар, үнэ, хөрөнгө оруулалт, санхүүгийн зэрэг бодлогыг сайжруулах ёстой. Биологийн олон янз байдлыг хамгаалах ажлыг үргэлжлүүлэн эрчимжүүлж, уул ус, гол мөрөн, ой мод, тариалангийн талбай, нуур, өвс, элсийг нэгдсэн хамгаалалт ба системтэй зохицуулах ажлыг уялдуулан дэмжиж, газар нутгийг ногоон байгууламжжуулах ажлыг шинжлэх ухааны үндэслэлтэй хийж, хууль бус ан агнуур, цуглуулга, худалдаа наймаа, зэрлэг амьтан, ургамал, тэдгээрийн гаралтай бүтээгдэхүүнийг тээвэрлэх зэрэг хууль бус, гэмт хэргийн шинжтэй үйлдлүүдийг таслан зогсоох ажлыг үргэлжлүүлэх шаардлагатай юм гэжээ. Мөн тэрээр хэлэхдээ, Хятад улс дэлхийн цаг уурын засаглалд идэвхтэй оролцож, тэргүүлж, хүн төрөлхтний хамтын ирээдүйтэй хамтын нийгэмлэгийн үзэл баримтлалыг баримталж, дэлхийн цаг уурын засаглалын тогтолцоог шударга, үндэслэлтэй, харилцан ашигтай байгуулахыг ахиулж байна" гэжээ.
