ХКН-ын ХХ их хурлын үеэр Ши Жиньпин хэлэхдээ "Бид хөгжлийн шинэ үзэл баримтлалыг бүрэн, оновчтой, цогц байдлаар хэрэгжүүлж, социалист зах зээлийн эдийн засгийн шинэчлэлийн чиглэл, өндөр түвшний нээлтийг баримтлан, дотоодын томоохон эргэлтээр гол цогц болгож, дотоодын ба олон улсын хос эргэлтийг харилцан ахиулах хөгжлийн шинэ загварын бүтээн байгуулалтыг эрчимжүүлнэ" гэв.

Тэрээр мөн онцлохдоо "Чанартай хөгжлийг дэмжихээр гол сэдэв болгохыг баримтлан, дотоодын эрэлт хэрэгцээг өргөжүүлэх стратегийг хэрэгжүүлэх үйл ажиллагааг ханган нийлүүлэлтийн талын бүтцийн шинэчлэлийг гүнзгийрүүлэхтэй хослуулан, дотоодын томоохон эргэлтийн хөдөлгөгч хүч болон найдвартай байдлыг сайжруулж, олон улсын эргэлтийн чанар, түвшинг дээшлүүлэх, орчин үеийн эдийн засгийн тогтолцоог байгуулах ажлыг эрчимжүүлэх, хүчин зүйлийн нийт бүтээмжийг дээшлүүлэх, аж үйлдвэрийн гинжин хэлхээ, нийлүүлэлтийн хэлхээний тогтвортой, аюулгүй байдлын түвшинг сайжруулах, хот хөдөөгийн интеграцчилал, бүс нутгийн хөгжлийг уялдуулан зохицуулахад анхаарч, эдийн засгийн чанартай, ухаалаг өсөлтийг үр дүнтэй сайжруулахад дэмжлэг үзүүлнэ.

 Нэг. Өндөр түвшний социалист зах зээлийн эдийн засгийн тогтолцоог бий болгох явдал юм.

Хоёр. Орчин үеийн аж үйлдвэрийн системийг бий болгоно. Эдийн засгийн хөгжлийн төвлөрлийг бодит эдийн засагт тулгуурлан хөгжүүлэх, шинэ аж үйлдвэржилтийг дэмжин, үйлдвэрлэлийн хүчирхэг улс, чанарын талын хүчирхэг улс, сансрын, тээврийн, сүлжээний хүчирхэг улс, дижитал Хятад улсын бүтээн байгуулалтыг эрчимжүүлнэ.

Гурав. Хөдөө тосгоныг сэргээн хөгжүүлэхийг цогцоор нь дэмжих явдал юм. Хөдөө орон нутгийг нэн тэргүүнд хөгжүүлэх, хот, хөдөөгийн нэгдсэн хөгжлийг баримтлах, хот, хөдөөгийн хүчин зүйлсийн урсгалыг сааруулна. Хөдөөгийн аж ахуй, чадварлаг боловсон хүчин , соёл, экологи, байгууллагыг сэргээхийг бат дэмжинэ. Хүнсний аюулгүй байдлын суурийг бүх талаар бэхжүүлнэ. Хот суурин газарт суурьшиж буй тариачдын хууль ёсны газар нутгийн эрх, ашиг сонирхлыг хамгаалах, хуулийн дагуу сайн дурын болон төлбөртэй шилжүүлгийг дэмжинэ.

Дөрөв. Бүс нутгийн хамтын хөгжлийг дэмжих явдал юм.

Тав. Өндөр түвшний нээлтийг дэмжинэ. Дүрэм, журам, менежмент, стандарт зэрэг системүүдийн нээлтийг тогтвортой өргөжүүлнэ.

Худалдааны хүчирхэг орны бүтээн байгуулалтыг эрчимжүүлнэ. Зах зээлд чиглэсэн, дүрэм журамтай, олон улсын хэмжээнд үйл ажиллагаа явуулах бизнесийн орчин бүрдүүлнэ. "Бүс ба зам"-ын чанартай хөгжлийг дэмжинэ. RMB-ийн олон улсын байдлыг эмх цэгцтэйгээр сурталчилна. Дэлхийн аж үйлдвэрийн хуваарилалт болон хамтын ажиллагаанд гүнзгий оролцож, олон улсын эдийн засгийн хэв маяг, эдийн засаг, худалдааны харилцааг олон янзаар, тогтвортой байлгана.