Хятадын Төрийн зөвлөлийн ерөнхий сайд Ли Кэчян 11-р сарын 11-ний өдөр Пномпеньд Камбожийн хаан Нородом Сихамонитай уулзав.

   Ли Кэчян юуны өмнө Сихамонид Ши Жиньпин даргын чин сэтгэлийн мэндчилгээг хүргэв. Ли Кэчян хэлэхдээ "Хятад, Камбож хоёр уламжлалт гүн гүнзгий нөхөрлөлтэй бөгөөд сайн найз нөхөд, ах дүү, түншүүд. Бие биеэ үргэлж хүндэтгэж, бие биеэ эрх тэгш гэж үздэг, бие биеийнхээ гол сонирхол, гол асуудлуудтай холбоотой асуудлуудаар бие биеэ дэмждэг. Хятад, Камбожийн найрсаг харилцааг уламжлан үргэлжлүүлэх талаар Камбожийн хааны угсааны оруулсан эерэг хувь нэмрийг Хятад улс өндрөөр үнэлж байна. Мөн Камбожийн эдийн засгийн хөгжлийг дэмжих, иргэдийн амьжиргааг сайжруулах талаар Хятад улс дэмжлэг үзүүлэхэд бэлэн байна. Удахгүй болох Зүүн Азийн хамтын ажиллагааны удирдагчдын уулзалтын үеэр Хятад улс талуудтай хамтдаа энх тайван тогтвортой байдлыг хамгаалах, эдийн засгийн өсөлтийг дэмжих, бүтээлч яриа хэлэлцээ өрнүүлэх, олон салбар дахь ажил хэрэгч хамтын ажиллагааг эрчимжүүлэх тухай идэвхтэй авч хэлэлцэх болно. Мөн Зүүн Азийн орнуудын хамтын ажиллагааг эрчимжүүлэх, хамтын хөгжлийг бий болгох, хамтдаа сорилтын эсрэг ажиллах эерэг дохиог уг уулзалтаар гаднынханд хүргэхэд бэлэн байна" гэжээ.

   Нородом Сихамони хэлэхдээ "Камбож-Хятадын найрамдал эрт дээр үеэс уламжлагдаж ирсэн бөгөөд хоёр орны ахмад үеийн удирдагчдын бий болгосон уламжлалт нөхөрлөл хоёр улс, ард түмэнд ашигтай юм. Хатан ээж болон миний бие Хятад улс хоорондын нөхөрсөг харилцааг маш хүндэтгэн үзсээр ирсэн. Камбож улс нэг Хятадын зарчмыг тууштай дэмжих бөгөөд Хятад Камбожийн хувь заяаны нэгдмэл цогцын бүтээн байгуулалтыг тууштай дэмжинэ" гэжээ.