Бээжин, Хэбэй мужууд Бээжингийн Өвлийн олимп, Өвлийн паралимпын наадмын дүгнэлт, шагнал гардуулах ёслолыг 04-р сарын 19-нд тус тус зохион байгуулж, ХКН-ы Ерөнхий нарийн бичгийн дарга Ши Жиньпиний Бээжингийн Өвлийн олимп, паралимпын амжилтыг шагнан урамшуулах их хурал дээр хэлсэн чухал илтгэлийг сайтар судалж хэрэгжүүлэн, Өвлийн олимпын наадмыг амжилттай зохион байгуулсан туршлагыг нэгтгэн дүгнэж, тэргүүний хамт олон, дэвшилтэт хувь хүмүүсийг хүндэтгэлтэйгээр шагнан урамшуулав.

Бээжин хотын Намын хорооны нарийн бичгийн дарга, Бээжингийн Өвлийн олимпыг зохион байгуулах хорооны дарга Цайчи хэлэхдээ "Бээжингийн Өвлийн олимп, Өвлийн паралимп амжилттай өндөрлөж, Өвлийн олимпын бэлтгэл, зохион байгуулалт нь мартагдашгүй дурсамж болон үлджээ. Бээжингийн Өвлийн олимпын урам зоригийг эрчтэй урагшлуулж, Өвлийн олимпын дараах нийтлэлүүдийг сайн хийж, "хос олимпын хот”-ын яруу алдрыг үргэлжлүүлэн бичиж, шинэ эрин үед нийслэл хотын хөгжлийг ахиулахын төлөө бид улам шаргуу ажиллаж, нам болон ард түмэндээ маш сайн хариултын хуудас гардуулахыг хичээгээрэй" гэв.

Хэбэй мужийн Намын хорооны нарийн бичгийн дарга, Хэбэй мужийн Ардын Төлөөлөгчдийн Их Хурлын Байнгын хорооны дарга Ван Дүнфэн хэлэхдээ "Бээжингийн Өвлийн олимпын үзэл санааг эрчтэй урагшлуулж, олимпын дараах эдийн засгийг эрчимтэй хөгжүүлж, орчин үеийн эдийн засгийн хүчирхэг муж, үзэсгэлэнт Хэбэйгийн бүтээн байгуулалтыг эрчимжүүлэх шинэ нөхцөл байдлыг бий болгохыг хичээж, Намын ХХ их хурлыг өндөр үр дүнтэй угтъя" гэжээ.

Хурлаар Бээжингийн Өвлийн олимп, Өвлийн паралимпын наадмын Бээжин хот ба Хэбэй мужийн дэвшилтэт хамт олон, хувь хүмүүсийг магтан сайшаах тухай шийдвэрийг уншиж танилцуулав. Удирдагчид тэргүүний хамт олон, тэргүүний хувь хүний төлөөлөгчдөд шагнал гардуулав.