7 дахь удаагийн Торгоны зам (Дуньхуан) олон улсын соёлын экспо 09-р сарын 21-нд Дуньхуанд нээлтээ хийж билээ. 50 улс орон, бүс нутаг, олон улсын байгууллагуудаас ирсэн 800 гаруй зочин "Дэлхий дахины соёл иргэншлийн санаачилгыг хэрэгжүүлэх, соёл иргэншлийн хоорондын солилцоо, харилцан суралцах явдлыг гүнзгийрүүлэх" сэдвээр Торгоны замын сүнсийг сурталчлах, соёлын солилцоог дэмжих, өргөн цар хүрээтэй зөвшилцөлийг бий болгох сэдвээр хэлэлцүүлэг өрнүүллээ.
2000 гаруй жилийн өмнө эртний Торгоны зам нээгдсэн нь Дорнод, Өрнөдийн хоорондын солилцооны үйл ажиллагааг хөхүүлэн дэмжсэн юм. "Торгоны замын хоолой" болох Дуньхуанд олон янзын соёл иргэншил энд цугларсан байдаг.
Дуньхуан соёлын үзэсгэлэн нь 2016 онд анх удаа Хятадад зохион байгуулагдсан "Бүс ба зам" соёлын солилцооны сэдэвтэй олон улсын өргөн цар хүрээтэй үзэсгэлэн юм. Нээлтийн ёслол, Дуньхуан форум, соёлын үзэсгэлэн, театрын үзүүлбэр, хөрөнгө оруулалтыг сурталчлах зэрэг 5 чиглэлээр 18 үйл ажиллагаа явагдаж байна.
