Хятадын Логистик, Худалдан Авах Нэгдсэн Холбоо, Үндэсний Статистикийн Газрын Үйлчилгээний Судалгааны Төв 04-р сарын 30-ны өдөр, 04-р сарын Хятадын Худалдан Авах Менежерийн Индексийг (PMI) танилцууллаа.

Гадаад орчны хурдтай өөрчлөлт болон бусад хүчин зүйлсийн нөлөөгөөр 04-р сард үйлдвэрлэлийн PMI өмнөх сараас буурсан ч өндөр технологийн үйлдвэрлэл зэрэг холбогдох салбаруудын өсөлт үргэлжилж, дотоод зах зээлд чиглэсэн үйлдвэрлэлийн аж ахуйн нэгжүүдийн үйл ажиллагаа нийтдээ тогтвортой байжээ.

04-р сарын Хятадын PMI 49 хувиатай гарсан нь өмнөх сараас 1.5 нэгжээр буурсан үзүүлэлт юм. Аж ахуйн нэгжүүдийн төлөв байдлыг ажиглахад 04-р сарын үйлдвэрлэл, үйл ажиллагааны төлөв байдлын индекс 52.1 хувь болж, өсөлтийн орчинд хэвээр байна. Мөн 04-р сарын үйлчилгээний салбарын бизнесийн үйл ажиллагааны индекс 50.1 хувиатай гарч, өмнөх сараас 0.2 нэгжээр буурсан ч, энэ үзүүлэлт нь хэвийн түвшний доод хязгаараас өндөр байна. Барилгын салбарын бизнесийн үйл ажиллагааны индекс 51.9 хувьтай гарч, өмнөх сараас 1.5 нэгжээр буурсан ч тэлэлттэй хэвээр байна.