Бээжингийн Хааны ордон музейн 90 жилийн ойг угтан уг ордон музейн Бао Юйньлөү, Ци Нингүн, Ү Мэнь, Янь Чилөү, Дүн Хуамэнь зэрэг хэсгүүдийг шинээр засан сэлбэж, 10 дугаар сарын 11-нд анх удаа албан ёсоор олон нийтэд нээлттэй болгов. Ингэснээр Хааны ордон музейн үзмэрийн талбай 52 хувиас өргөжөөд 65 хувийг эзлэх болжээ. Зи Жиньчэн хориотой хотын зарим хэрэм ханыг анх удаа олонд нээлттэй болгосноор, жуулчид уг хэрмэн дээр алхан гарч, хориотой хотын зүүн өмнө буланд байдаг асар тагттай танилцаж болох юм.