Улсын умард зүгт нээлттэй эдийн засаг, худалдааны хоёр дахь чуулга уулзалт, Улсын умард зүгт нээлттэй гүүрэн гарцын тинк танкийн форумын 2024 оны хурал 08-р сарын 20-ны өдрийн үдээс өмнө Хөххотод нээлтээ хийв.

   Өвөр Монголд шинэ хөдөлгөгч хүчийг цуглуулцгаая” уриан дор болж буй тус хурал нь улсын умард зүгт нээх чухал гүүр дээр тулгуурлан, умард зүгт нээх нөөц бололцоогоо гүн гүнзгий судалж, умард зүгт нээх хүчтэй эрч хүчийг гарган, шинэ бүтээмжийн хүчийг бий болгох, "Бүс ба Зам"-ын хамтын бүтээн байгуулалт, Хятад, Монгол, Оросын эдийн засгийн коридорын бүтээн байгуулалт, улсын дотоод, олон улсын хос эргэлтэд Өвөр Монгол илүү их үүрэг гүйцэтгэхийг ахиулах зорилготой. Нээлтийн ёслолд улсын дотоод, гадаадын 300 шахам зочид төлөөлөгчид оролцов.

Нээлтийн үеэр ӨМӨЗО-ны хөрөнгө оруулалтын хамтын ажиллагааны 311 төслийг зарлаж, нөхөрсөг хотын хамтын ажиллагааны дөрвөн хэлэлцээрт гарын үсэг зурсан нь бүс нутгийн эдийн засаг худалдааны хөгжил, хөрөнгө оруулалт, бүтээн байгуулалтын бат бэх суурийг тавьсан юм. Энэ удаагийн хурлаар гадаадын хөрөнгө оруулалтын 10 төсөл, гадаадад хөрөнгө оруулах 6 төсөл, худалдааны захиалга 18, дотоодын хөрөнгө оруулалтын 94 төсөл зэрэг нийт 128 төсөлд гарын үсэг зурах бөгөөд төслийн хүрээнд тоног төхөөрөмж үйлдвэрлэл, шинэ эрчим хүч, шинэ материал, био эм бэлдмэл, эрчим хүч хэмнэлт, байгаль орчныг хамгаалах, дижитал эдийн засаг, шинэ химийн аж үйлдвэр, ногоон хөдөө аж ахуйн бүтээгдэхүүн үйлдвэрлэх, боловсруулах, орчин үеийн үйлчилгээ зэрэг салбарыг хамарсан байна.