ГХЯ-ны хэвлэлийн төлөөлөгч Мао Нин 27-ны өдөр хэлэхдээ: Хятад улс Хятад болон гадаад улс хоорондын боловсон хүчний солилцоог цаашид ахиулж, дэлхийн өнцөг булан бүрээс найз нөхдөө Хятадад хүрэлцэн ирж, Хятадын өнгөлөг сэтгэл татам байдлыг мэдэрч, Хятадын хөгжлийн ногдол ашгийг хуваалцахыг хүсэж байна.

Мао Нин хэлэхдээ: 2023 оны эцсээс хойш Хятад улс 38 улсыг визийн хөнгөлөлтөөс чөлөөлсөн бөгөөд одоогийн байдлаар 25 улстай харилцан иж бүрэн чөлөөлсөн байна. Үүний зэрэгцээ бид визний мэдүүлгийн маягтыг оновчтой болгож, визний товыг цуцалж, хурууны хээгээр чөлөөлөх хамрах хүрээг өргөтгөж, визний хураамжийг бууруулснаар БНХАУ-д виз олгох журмыг илүү үр ашигтай хялбар болголоо.

Тэрээр бас хэлэхдээ: Хятадад ирэх журмыг хялбарчлахын зэрэгцээ Хятад улс гадаад найз нөхдийн хувьд Хятад дахь ажил, амьдралыг илүү тохь тухтай байлгахыг эрмэлзэж байна. Бээжин, Шанхай, Гуандүн болон бусад муж, хотууд гар утасны терминал, банкны карт, бэлэн мөнгө зэрэг хэд хэдэн төлбөрийн үйлчилгээг сайжруулж, гадаадын найз нөхдийн онлайн худалдаа, тээврийн үйлчилгээг хялбаршуулах болно. Хятадын харилцаа холбооны сүлжээний операторууд 5G сүлжээнд нэвтрэх, ашиглах боломжийг гадаад найз нөхөддөө илүү хялбар болгож, гадаад хэлний үйлчилгээгээ сайжруулж, шинэ багцуудыг нэвтрүүлсэн байна. Гадаадын иргэд ажиллах, оршин суух зөвшөөрөл авах хүсэлтээ хурдан шуурхай авах "нэг цэгийн" үйлчилгээг үзүүлэх тусгай цонхыг олон хот нээж эхлэв.

Мао Нин  бас хэлэхдээ: Бид Хятад болон гадаад улс хоорондын боловсон хүчний солилцоог үргэлжлүүлэн дэмжих болно. Бид дэлхийн өнцөг булан бүрээс Хятадад хүрэлцэн ирж, Хятадын өнгөлөг сэтгэл татам байдлыг мэдэрч, Хятадын хөгжлийн ногдол ашгийг хуваалцахыг урьж байна.