Хятад, Монгол, Оросын Худалдаа, аж үйлдвэрийн танхимуудын нэгдсэн XVII чуулганы хүрээн дэх Бизнесийн эрх зүйн үйлчилгээний салбарын хамтран ажиллах дугуй ширээний уулзалт 08 дугаар сарын 16-ны үдээс хойш буюу яг одоо Бугат хотын Шангрила зочид буудалд болж байна.

Форумын үеэр ӨМӨЗО-ы Хууль эрх зүйн танхимын орлогч дарга Дай Янь, БНХАУ-ын Олон Улсын худалдааг дэмжих хорооны Хууль хариуцсан дарга Жэн Вэй, МҮХАҮТ-ын Олон улсын арбитрын шүүхийн ерөнхийлөгч С.Энхцэцэг нар үг хэлж, ОХУ-ын Худалдаа аж үйлдвэрийн танхимын Олон улсын бизнесийн арбитр, Далайн арбитрын дарга Костин Алексей видео мэндчилгээ ирүүлж, Хятад, Монгол, Орос гурван орны бизнесийн эрх зүйн үйлчилгээний салбарын бусад 7 төлөөлөгч илтгэл тавьсан байна.