ХКН-ын төв хорооны ерөнхий нарийн бичгийн дарга, БНХАУ-ын дарга, Цэргийн төв зөвлөлийн дарга Ши Жиньпин 07-р сарын 15-ны өдөр ӨМӨЗО-д айлчилсан байна. Айлчлалын эхний өдөр тэрээр Улаанхад хотын Сүн Шань дүүргийн Шин- Аны гудамжны Линь Хуан хороололд хүрч,  хороолын  намын бүтээн байгуулалт, үндэсний эв нэгдэл зэрэг байдалтай танилцсан байна. Дараа нь Улаанхад хотын музейд хүрч, орон нутгийн түүх, соёлтой танилцаж, үндэсний сонгодог "Гэсэр"  биет бус соёлын өвийн өв залгамжлагчидтай дотно яриа өрнүүллээ.